தேர்தல் பத்திரங்கள் மூலம் அரசியல் கட்சிகளுக்கு கிடைத்த நிதியுதவி குறித்த புதிய தகவல்கள் வெளியானது
செய்தி முன்னோட்டம்
தேர்தல் பத்திரங்கள் தொடர்பாக அரசியல் கட்சிகளிடம் இருந்து பெறப்பட்ட தகவல்களை தேர்தல் ஆணையம் இன்று வெளியிட்டது.
இந்த விவரங்கள் ஏப்ரல் 12, 2019க்கு முந்தைய காலகட்டத்திற்குரியவையாகும்.
ஏப்ரல் 12, 2019க்கு பிறகு வாங்கப்பட்ட தேர்தல் பாத்திரங்களின் தகவல்களை கடந்த வியாழக்கிழமை தேர்தல் ஆணையம் வெளியிட்டது.
"... உச்ச நீதிமன்றம், சீலிடப்பட்ட ஆவண நகல்களையும், அதன் பென்டிரைவ் நகல்களையும் அனுப்பியுள்ளது. உச்ச நீதிமன்றப் பதிவேட்டில் இருந்து டிஜிட்டல் வடிவில் பெறப்பட்ட தேர்தல் பாத்திரங்கள் தொடர்பான தரவுகளை இந்தியத் தேர்தல் ஆணையம் இன்று பதிவேற்றம் செய்துள்ளது." என்று தேர்தல் ஆணையம் இன்று ஒரு அறிக்கையில் தெரிவித்துள்ளது.
தேர்தல் பத்திரங்கள்
பத்திரங்களின் தனிப்பட்ட எண்கள் வெளியிடப்படவில்லை
ஏப்ரல் 19 முதல் ஜூன் 1 வரை 7 கட்டங்களாக நடைபெறும் மக்களவைத் தேர்தலுக்கான தேதிகளை நேற்று அறிவித்த தேர்தல் ஆணையம், இன்று இந்தத் தகவலை வெளியிட்டுள்ளது.
பத்திரங்களின் தேதி, மதிப்புகள், பத்திரங்களின் எண்ணிக்கை, பாரத ஸ்டேட் வங்கியின்(எஸ்பிஐ) கிளை, ரசீது தேதி மற்றும் கடன் தேதி ஆகிய விவரங்களை மட்டுமே தற்போது தேர்தல் ஆணையம் வெளியிட்டுள்ளது.
பத்திரங்களின் தனிப்பட்ட எண்கள் வெளியிடப்படவில்லை.
உச்ச நீதிமன்றத்தின் உத்தரவுகளுக்கு இணங்குவதற்காக, பத்திரங்களின் தனிப்பட்ட எண்களை வெளியிடக் கோரி எஸ்பிஐக்கு திரிணாமுல் காங்கிரஸ் கடிதம் எழுதியுள்ளது.
ஆனால், பாஜக அத்தகைய கோரிக்கையைவிடுக்கவில்லை. பாஜக மூல தரவுகளை மட்டுமே வழங்கியுள்ளது.