மதுரை-கோவா விமான சேவை துவங்கியது
செய்தி முன்னோட்டம்
மதுரை விமான நிலையத்தில் உள்நாடு, வெளிநாடு தினசரி விமானசேவைகள் வழங்கப்பட்டு வரும் நிலையில், ஸ்பைஸ் ஜெட், இண்டிகோ, ஏர்-இந்தியா உள்ளிட்ட 3 நிறுவனங்களின் விமான சேவைகள் மட்டுமே செயல்பாட்டில் உள்ளது.
இதில் இண்டிகோ-நிறுவன விமானங்கள் உள்நாட்டு சேவைகளை மட்டும் அளிக்கிறது.
கொரோனா காலத்திற்கு பிறகு, ஸ்பைஸ்-ஜெட் விமான நிறுவனம் வெளிநாடு சேவை மட்டுமே வழங்கி வந்த நிலையில், மீண்டும் மதுரையில் இருந்து சென்னைக்கு உள்நாட்டு சேவையினை துவங்கியுள்ளது என்று கூறப்படுகிறது.
இதனிடையே இந்நிறுவனம் சென்னை வழியே கோவா செல்லும் விமான சேவையினை துவங்க திட்டமிட்டுள்ளது என்று செய்திகள் வெளியாகியுள்ளது.
அதன்படி, இன்று(ஆகஸ்ட்.,8)முதல் SG-2981என்னும் விமானம் மதுரையிலிருந்து 12.05மணிக்கு புறப்பட்டு சென்னை வந்து, சென்னையிலிருந்து மாலை 4 மணிக்கு கோவா சென்றடையும் என்று கூறப்படுகிறது.
விமானம்
ஹைதராபாத், கொழும்பு உள்ளிட்ட விமான சேவைகளும் துவங்கவுள்ளது
அதேபோல், கோவாவிலிருந்து SG-2983 விமானம் மாலை 5 மணிக்கு புறப்பட்டு சென்னை வந்தடைந்து, சென்னையிலிருந்து இரவு 8.10 மணிக்கு மதுரை சென்றடையும் என்று ஸ்பைஸ் ஜெட் நிறுவனம் அறிவித்துள்ளது.
இதனையடுத்து, ஆகஸ்ட் 10ம்தேதி முதல் 19ம்தேதி வரை ஹைதராபாத் மாநிலத்தில் இருந்து தினமும் காலை 10.35மணிக்கு புறப்பட்டு மதுரை விமான நிலையத்திற்கு நண்பகல் 12.15க்கு சென்றடையும்.
தொடர்ந்து, SG-04ஆக மதுரை மாநகரில் இருந்து பிற்பகல் 1.15 மணிக்கு துவங்கி 2.25 மணிக்கு கொழும்பு சென்றடையவுள்ளது என்று கூறப்படுகிறது.
அதே விமானம் கொழும்புவில் இருந்து பிற்பகல் 3.25மணிக்கு புறப்பட்டு 4.35 மணிக்கு மதுரை விமானநிலையம் செல்கிறது.
அதன் பின்னர் மதுரையிலிருந்து மாலை 5.25க்கு புறப்பட்டு இரவு 7.25 மணிக்கு ஹைதராபாத் செல்லும் என்று அறிவிக்கப்பட்டுள்ளது.