SIR பணியில் ஈடுபட்டுள்ள அரசு ஊழியர்களுக்கு இரட்டிப்பு ஊதியம் வழங்குவதாக தேர்தல் ஆணையம் அறிவிப்பு
செய்தி முன்னோட்டம்
இந்தியத் தேர்தல் ஆணையம், வாக்காளர் பட்டியலைத் தயாரித்தல் மற்றும் திருத்துதல் பணிகளில் ஈடுபட்டுள்ள வாக்குச்சாவடி நிலை அலுவலர்கள் (BLOs) மற்றும் மேற்பார்வையாளர்களுக்கான (BLO Supervisors) ஊதியத்தை இரு மடங்காக உயர்த்தி அறிவித்துள்ளது. தற்போதைய வாக்காளர் பட்டியல் திருத்தப் பணியின்போது சில BLOக்கள் தற்கொலை செய்துகொண்ட சம்பவங்கள் வெளியான நிலையில், இந்தப் புதிய அறிவிப்பு வெளியாகி உள்ளது. BLOக்களின் ஆண்டு ஊதியம் ஒரு தேர்தல் சுழற்சிக்கு ₹6,000லிருந்து ₹12,000 ஆக உயர்த்தப்பட்டுள்ளது. மேலும், வாக்காளர் பட்டியல் திருத்தத்திற்கான ஊக்கத்தொகை ₹1,000லிருந்து ₹2,000 ஆக உயர்த்தப்பட்டுள்ளது. அதேபோல், BLO மேற்பார்வையாளர்களுக்கான ஊதியம் ₹12,000லிருந்து ₹18,000 ஆக அதிகரிக்கப்பட்டுள்ளது. இதற்கு முன்பு 2015ஆம் ஆண்டு இந்த ஊதியத்தில் மாற்றம் செய்யப்பட்டது.
அலுவலர்கள்
அலுவலர்களுக்கு கெளரவ ஊதியம்
மேலும், வாக்காளர் பதிவு அதிகாரிகள் (EROs) மற்றும் உதவி வாக்காளர் பதிவு அதிகாரிகளுக்கு (AEROs) முதல் முறையாகக் கெளரவ ஊதியத்தை (Honorarium) தேர்தல் ஆணையம் அறிவித்துள்ளது. இதன்படி EROக்களுக்கு ₹30,000 மற்றும் AEROக்களுக்கு ₹25,000 வழங்கப்படும். "சரியான வாக்காளர் பட்டியல்கள்தான் ஜனநாயகத்தின் அடிப்படை. EROக்கள், AEROக்கள், BLO மேற்பார்வையாளர்கள் மற்றும் BLOக்கள் அனைவரும் கடினமாக உழைத்து, நேர்மையான மற்றும் வெளிப்படையான வாக்காளர் பட்டியலைத் தயாரிப்பதில் முக்கியப் பங்காற்றுகின்றனர்." என்று தேர்தல் ஆணையம் ஒரு அறிக்கையில் தெரிவித்துள்ளது. தற்போது, தமிழ்நாடு, கேரளா, உத்தரப் பிரதேசம் உள்ளிட்ட 12 மாநிலங்கள் மற்றும் யூனியன் பிரதேசங்களில் வாக்காளர் பட்டியலின் இரண்டாவது சிறப்புத் தீவிர திருத்தப் பணி நடைபெற்று வருவது குறிப்பிடத்தக்கது.
ட்விட்டர் அஞ்சல்
Twitter Post
Election Commission doubles the remuneration for Booth Level Officers from Rs 6000 to Rs 12,000; enhances remuneration for BLO Supervisors from 12,000 and Rs 18,000 pic.twitter.com/QvSY2TWQfg
— ANI (@ANI) November 29, 2025