திமுகவுடன் பேச்சுவார்த்தை நிறைவு: மார்க்சிஸ்ட், இந்திய கம்யூனிஸ்ட் கட்சிகளுடன் தொகுதி பங்கீடு முடிவு
நாடாளுமன்ற தேர்தலில் திமுக கூட்டணியில் உள்ள மார்க்சிஸ்ட் மற்றும் இந்திய கம்யூனிஸ்ட் கட்சிக்கு தலா இரண்டு தொகுதிகள் ஒதுக்கப்பட்டுள்ளது. இதற்கான ஒப்பந்ததை இரு கட்சி தலைவர்களும் கையெழுத்திட்டுள்ளனர். தேர்தல் நெருங்கி வரும் வேளையில் அனைத்து கட்சிகளும் தங்களுடைய தொகுதி பங்கீடு குறித்து பேச்சுவார்த்தை நடத்திவருகின்றன. மத்தியில், காங்கிரஸ் தலைமையிலான INDIA ப்ளாக், கட்சி தாவல்களுக்கு மத்தியில் பலத்த பின்னடைவை சந்தித்து வரும் நேரத்தில், தமிழகத்தில், காங்கிரஸ் உடன் இரண்டாம் கட்ட பேச்சுவார்த்தை நடத்தவுள்ளது திமுக. அதன் பின்னரே தொகுதிகள் முடிவு செய்யப்படும் என கூறப்படும் நிலையில், மார்க்சிஸ்ட் மற்றும் இந்திய கம்யூனிஸ்ட் கட்சிகளுக்கு, தலா 2 தொகுதிகள் ஒதுக்கியுள்ளதாகவும், எந்த தொகுதியில் போட்டியிடுவது என்பது குறித்த அறிவிப்பு விரைவில் வெளியாகும் என தெரிவிக்கப்பட்டுள்ளது.
