தூத்துக்குடியில் ரூ.200க்கு பதிலாக வெறும் ரூ.20 அளித்த ஏடிஎம் - வாடிக்கையாளர்கள் அதிர்ச்சி
செய்தி முன்னோட்டம்
தூத்துக்குடி மாவட்டத்தில் கோவில்பட்டி அருகே சாலைப்புதூர் தோணுகால் சாலையில் தனியாருக்கு சொந்தமான ஓர் ஏடிஎம் ஒன்று இயங்கி வருகிறது. அதன்படி, அங்கு நேற்று(பிப்.,27) மாலை 4 மணியளவில் எட்டையபுரம் சேர்ந்த படர்ந்தப்புளியை சேர்ந்த சுவிக்கி நிறுவனத்தில் பணியாற்றி வரும் ஐயப்பன் என்பவர் தனது ஏடிஎம் கார்டு மூலம் ரூ.3500 எடுக்க முயன்றுள்ளார். அப்போது அவருக்கு 3,140 மட்டுமே வந்துள்ளது, அதாவது 500 ரூபாய் நோட்டுக்கள் ஆறு, ஒரே ஒரு 100 ரூபாய் நோட்டு வந்துள்ளது. அடுத்ததாக இரண்டு 200 ரூபாய் நோட்டுகள் வரவேண்டிய நிலையில் 2 ரூ.20 நோட்டுக்கள் வந்துள்ளதாக கூறப்படுகிறது. இதனால் குழப்பம் அடைந்த அந்த வாடிக்கையாளர் தான் கணக்கு வைத்திருக்கும் வங்கியை தொடர்பு கொண்டு விவரம் கேட்டுள்ளார்.
சிசிடிவி கேமராக்கள் ஆய்வு
ரூ.20 நோட்டுக்கள் வர வாய்ப்பில்லை என்று கூறிய ஏடிஎம் ஊழியர்கள்
மேலும் குறைவான பணம் வந்ததை புகார் செய்ய நினைத்த நிலையில், ஆனால் அந்த மையத்தில் புகார் எண் எதுவும் வைக்கப்படவில்லை என்றும் அவர் கூறியதாக தெரிகிறது. அந்த வாடிக்கையாளர் வங்கியில் அளித்த புகாரின் பேரில், சம்மந்தப்பட்ட தனியார் ஏடிஎம் மையத்தில் பணம் நிரப்பும் பணிகளை மேற்கொண்டு வரும் தனியார் நிறுவன ஊழியர்கள் குறிப்பிட்ட ஏடிஎம்'ற்கு நேரில் சென்று ஆய்வு மேற்கொண்டுள்ளனர். மேலும் ஏடிஎம் இயந்திரத்தில் 20 ரூபாய் நோட்டுக்கள் வர வாய்ப்பே இல்லை என்று கூறிய அவர்கள், இருப்பினும் சிசிடிவி கேமரா பதிவுகள் ஆய்வு செய்யப்படும் என்று அவர்கள் கூறியது குறிப்பிடத்தக்கது.