தமிழகத்தில் அதிகரிக்கும் கொரோனா; சுற்றுலாத்தலங்களில் கட்டாய கொரோனா பரிசோதனை
இந்தியாவில் தற்போது கொரோனா தொற்று அதிகரித்து வருகிறது. தமிழகத்திலும் அதன் பரவல் அதிகரித்துள்ளது என சமீபத்தில் சுகாதாரத்துறை அமைச்சர் மா.சுப்பிரமணியமும் தெரிவித்திருந்தார். இந்நிலையில் கோடை விடுமுறை துவங்கி விட்டது. அதனால், சுற்றுலாத்தலங்களில் கூட்டம் அலைமோதுகிறது. இது கொரோனா பரவலை மேலும் அதிகமாக்கும் என்பதால், முன்னெச்சரிக்கை நடவடிக்கையாக, அனைத்து சுற்றுலா தளங்களிலும் கோவிட் பரிசோதனை கட்டாயமாக்கப்பட்டுள்ளது. குறிப்பாக, கொடைக்கானலில் தற்போது கூட்டம் கூடுவதால், நகரின் நுழைவாயிலில் சுங்க சாவடி அமைக்கப்பட்டு, சோதனை நடைபெறுவதாக செய்திகள் தெரிவிக்கின்றன.
தடுப்பூசி சான்றிதழ்கள் பரிசோதனை
கொடைக்கானலில், சுற்றுலா பயணிகளுக்கு, கோவிட் பரிசோதனை, சுழற்சி முறையில் வெள்ளி நீர் வீழ்ச்சி அருகே நடைபெற்று வருவதாக ஊடக செய்திகள் தெரிவிக்கின்றன. அதோடு, பரிசோதனைக்கு உட்படுத்தப்படும் பயணிகள், கோவிட் தடுப்பூசிகள் எடுத்துள்ளனரா, குறிப்பாக பூஸ்டர் டோஸ் எடுத்துள்ளனரா என்று சான்றிதழ் சரிபார்ப்பு நடைபெறுவதாக தெரிகிறது. இதோடு, அங்கு இருக்கும் சுகாதாரத்துறை அதிகாரிகள், பொதுமக்கள் அதிகம் கூடும் இடங்களான பூங்காக்கள் மற்றும் வியூபாயிண்ட்களில் மக்களுக்கு விழுப்புணர்வு ஏற்படுத்தும் விதமாக, கட்டாய முகக்கவசம் மற்றும் தனிமனித இடைவேளை ஆகியவற்றை அறிவுறுத்தி வருகின்றனர் என கூறப்படுகிறது
இந்த காலவரிசையைப் பகிரவும்