சென்னையில் 2 தினங்களுக்கு 19 எலக்ட்ரிக் ட்ரெயின்கள் சேவையில் மாற்றம்
சென்னை கடற்கரை யார்டில் பொறியியல் பணி நடைபெறுவதால், செப்டம்பர் 13 மற்றும் 16 ஆகிய தேதிகளில் சில மின்சார ரயில்களின் சேவையில் மாற்றங்கள் செய்யப்பட உள்ளன. அது பற்றி வெளியான அறிவிப்பில், மாற்றத்திற்குள்ளான ரயில்களும், அதன் வழித்தடங்களை தரப்பட்டுள்ளன. இதோ உங்கள் கவனத்திற்கு: சென்னை கடற்கரை - தாம்பரம்: செப்டம்பர் 13 மற்றும் 16 ஆம் தேதிகளில் இரவு 8.25, 8.55 மற்றும் 10.20 மணிக்கு புறப்படும் மின்சார ரயில்கள் மட்டும் ரத்து செய்யப்படுகின்றன. திருவள்ளூர் - சென்னை கடற்கரை: செப்டம்பர் 13 மற்றும் 16 ஆம் தேதிகளில் இரவு 9.35 மணிக்கு புறப்படும் ரயிலும், சென்னை கடற்கரை - திருவள்ளூருக்கு இரவு 7.50 மணிக்கு புறப்படும் ரயிலும் ரத்து செய்யப்பட உள்ளது.
மின்சார ரயில் சேவையில் மாற்றம்
கடற்கரை - அரக்கோணம்: செப்டம்பர் 14 மற்றும் 17 ஆம் தேதிகளில் அதிகாலை 4.05 மணிக்கு புறப்படும் மின்சார ரயில் ரத்து செய்யப்பட உள்ளது. கும்மிடிப்பூண்டி - கடற்கரை: செப்டம்பர் 13 மற்றும் 16 ஆம் தேதிகளில் இரவு 9.55 மணிக்கு புறப்படும் மின்சார ரயில் ரத்து செய்யப்பட உள்ளது. அதேபோல, கடற்கரை - கும்மிடிப்பூண்டிக்கு இரவு 10.45 மணிக்கு புறப்படும் மின்சார ரயில் ரத்து செய்யப்பட உள்ளது. சென்னை கடற்கரை - தாம்பரம்: செப்டம்பர் 13 மற்றும் 16 ஆம் தேதிகளில் இரவு 11.05, 11.30 மற்றும் 11.59 மணிக்கு புறப்படும் ரயில்களின் ஒரு பகுதி சேவை மட்டும், அதாவது கடற்கரை - எழும்பூர் இடையே ரத்து செய்யப்பட உள்ளது.
மின்சார ரயில் சேவையில் மாற்றம்
கடற்கரை- செங்கல்பட்டு: செப்டம்பர் 14 மற்றும் 17ஆம் தேதிகளில் அதிகாலை 3.50 மணிக்கு புறப்பட வேண்டிய ரயில், கடற்கரை-எழும்பூர் இடையே பகுதி ரத்து செய்யப்பட உள்ளது. செங்கல்பட்டு- கடற்கரை: செப்டம்பர் 13 மற்றும் 16ஆம் தேதிகளில் இரவு 9.10, 10.10 மற்றும் 11.00 மணிக்கு புறப்படும் ரயில்கள், எழும்பூர்-கடற்கரை இடையே பகுதி ரத்து செய்யப்படவுள்ளன. கூடுவாஞ்சேரி- கடற்கரை: செப்டம்பர் 13 மற்றும் 16ஆம் தேதிகளில் இரவு 10.10, 10.40 மற்றும் 11.15 மணிக்கு புறப்படும் ரயில்கள், தாம்பரம்- கடற்கரை இடையே பகுதி ரத்து செய்யப்படவுள்ளன. திருமால்பூர்- கடற்கரை: செப்டம்பர் 13 மற்றும் 16ஆம் தேதிகளில் இரவு 8 மணிக்கு புறப்படும் மின்சார ரயில், எழும்பூர்- கடற்கரை இடையே பகுதி ரத்து செய்யப்பட உள்ளது.
