மதுரை எய்ம்ஸ் கட்டுமான பணி அடுத்தகட்டத்துக்கு நகர்வு
செய்தி முன்னோட்டம்
மதுரையில் AIIMS அமையும் என மத்திய அரசு அறிவித்து 8 ஆண்டுகள் ஆன நிலையில், தற்போது அதன் கட்டுமானத்திற்காக டெண்டர்கள் கோரப்பட்டுள்ளது.
இறுதியாக மதுரை எய்ம்ஸ் மருத்துவமனை அமைப்பது தொடர்பாக அடுத்தகட்ட நகர்விற்காக மத்திய அரசு முன்னெடுத்துள்ளது என்ற செய்தி, மதுரை மக்களிடையே மகிழ்ச்சியை ஏற்படுத்தியுள்ளது.
கடந்த 2019 ஆம் ஆண்டு மதுரை தோப்பூரில் மருத்துவமனைக்கான அடிக்கல்லை, பிரதமர் மோடி நாடினார் என்பது குறிப்பிடத்தக்கது.
இதுகுறித்து தமிழக அரசு கேள்விகள் எழுப்பிய வண்ணம் இருந்தது.
இந்நிலையில், சமீபத்தில் நடைபெற்ற மக்களவை கூட்டத்தொடரின் போது நடைபெற்ற, மத்திய அரசிற்கு எதிரான நம்பிக்கையில்லா விவாதத்தில், நிதியமைச்சர் நிர்மலா சீதாராமன் "மதுரையில் கட்டாயம் எய்ம்ஸ் அமையும்" என குறிப்பிட்டார்.
card 2
33 மாதங்களில் கட்டுமானத்தை முடிக்கவேண்டும் என நிபந்தனை
மதுரை எய்ம்ஸ் கல்லூரியில் சேர்க்கப்படும் மாணவர்கள், தற்சமயம் ராமநாதபுரத்தில் அமைந்துள்ள மருத்துவ கல்லூரியில் பயின்று வருகின்றனர் என நிதியமைச்சர் அந்த விவாத கூட்டத்தில் தெரிவித்தார்.
அதேபோல, ஜப்பானின் ஜெய்கா நிறுவனத்திடம் கடன் பெற்று, மதுரை எய்ம்ஸ் மருத்துவமனை கட்டிமுடிக்கப்படும் எனவும் நிர்மலா சீதாராமன் தெரிவித்திருந்தார்.
தற்போது, அதன் தொடர்ச்சியாக, செப்டம்பர் 18 தேதிக்குள், கட்டுமான பணிக்கான தகுதியான ஒப்பந்தக்காரர்கள் விண்ணப்பிக்கலாம் என மத்திய அரசு சார்பாக, டெண்டர் அறிக்கை விடுக்கப்பட்டுள்ளது.
அதோடு, 33 மாதங்களில் கட்டுமான பணிகளை நிறைவு செய்திட வேண்டும் எனவும் நிபந்தனை விடுக்கப்பட்டுள்ளது.