சிபிஎஸ்சி அங்கீகாரம் பெற்ற பள்ளி என போலி விளம்பரம் - நீதிமன்றத்தில் பதில் மனு தாக்கல்
செய்தி முன்னோட்டம்
தமிழ்நாடு மாநிலம் பெரிய காஞ்சிபுரம் பகுதியினை சேர்ந்த மோதிலால் சென்னை உயர்நீதிமன்றத்தில் பொதுநல மனுவினை தாக்கல் செய்தார். அதில் கடந்த 2001ம்ஆண்டு கும்பகோணம் பள்ளியில் தீ விபத்து ஏற்பட்டதில் 96 குழந்தைகள் பலியான சம்பவம் குறித்து நீதிபதி சம்பத் தலைமையிலான ஆணையம் அமைக்கப்பட்டது. அந்த ஆணையத்தில் வகுக்கப்பட்ட விதிமுறைகள் அடிப்படையில் தனியார்பள்ளிகள் அங்கீகாரம் பெறுவதுமற்றும் பல பாதுகாப்பு நடைமுறைகள் வகுக்கப்பட்டு 2006ம்ஆண்டில் தமிழக அரசு அரசாணையினை பிறப்பித்தது. இதே சம்பவம் குறித்த வழக்கினை விசாரணை செய்த உச்சநீதிமன்றமும் பாதுகாப்பு நடைமுறைகளை சரிவர செய்யவேண்டும் என்று உத்தரவிட்டது. தொடர்ந்து, கல்விச்சட்டத்திலும் அங்கீகாரம் பெறப்படாத பள்ளிகள் இயங்கக்கூடாது என்று தெரிவித்தது. அதன்படி, பள்ளி கட்டிடஸ்திரத்தன்மை சான்று, பள்ளி கட்டிடங்களுக்கு உரிமம் என்பதுப்போன்ற நிபந்தனைகள் கொண்டுவரப்பட்டது.
பள்ளிகள்
மாணவர்களை வேறு பள்ளிகளுக்கு மாற்ற நடவடிக்கை
மேலும் அந்தமனுவில், இதுபோன்ற சட்டங்கள் இயற்றப்பட்டும், மேன்சன் போன்ற குறிகியஅறைகள்,எவ்வித அங்கீகாரம் மற்றும் ஒப்புதல் பெறாமல் காஞ்சிபுரத்தில் விதை பப்ளிக் ஸ்கூல் என்னும் பள்ளி இயங்கிவருகிறது. இந்த பள்ளியில் சிபிஎஸ்சி அங்கீகாரம் பெறப்பட்டதாக பொய்யான விளம்பரத்தினைச்செய்து மாணவர்சேர்க்கை நடந்துவருகிறது. எனவே இந்த பள்ளி மீது நடவடிக்கை எடுக்கக்கோரி பள்ளிக்கல்வித்துறைக்கு உத்தரவிடுமாறு மனுவில் கோரியிருந்தார். இந்த வழக்கு விசாரணைக்கு வந்தநிலையில், சம்பந்தப்பட்ட பள்ளிக்கு எதிராக நோட்டீஸ் அனுப்பப்பட்டுள்ளது. இதுகுறித்து நடவடிக்கையினை தொடங்கியுள்ளதாகவும், மனுதாரர்களின் விண்ணப்பம் குறித்து பரிசீலனை செய்யப்படும் என்றும் பள்ளிக்கல்வித்துறை சார்பில் தெரிவிக்கப்பட்டுள்ளது. இதனை நீதிபதிகள் பதிவுச்செய்து கொண்டதையடுத்து,மனுதாரர் விண்ணப்பம் பரிசீலிக்கப்பட்டு உத்தரவினை பிறப்பிக்கவேண்டும். குறிப்பிட்ட பள்ளிகளில் படிக்கும் மாணவர்கள் அருகிலுள்ள அங்கீகாரம் பெற்ற வேறுப்பள்ளிகளுக்கு மாற்ற நடவடிக்கை மேற்கொள்ளவேண்டும் என்று உத்தரவிட்டனர்.