திருப்பதியில் இருந்து விஜயவாடா சென்று கொண்டிருந்த கார் மீது லாரி மோதி விபத்து - 6 பேர் உயிரிழப்பு
செய்தி முன்னோட்டம்
திருப்பதிலிருந்து விஜயவாடா நோக்கி வந்துக்கொண்டிருந்த கார் மீது எதிரே வந்த லாரி ஒன்று மோதியுள்ளது.
திருப்பதி ஏழுமலையான் கோயிலுக்கு சென்று சாமி தரிசனம் செய்து விட்டு அங்கிருந்து திரும்புகையில் தான் இவ்விபத்து ஏற்பட்டுள்ளது என்று கூறப்படுகிறது.
இந்த விபத்தில் காரில் இருந்த 7 பேரில் 6 பேர் சம்பவ இடத்திலேயே துடிதுடித்து உயிரிழந்துள்ளார்கள்.
மேலும் காரில் பயணித்த மற்றொரு நபர் மட்டும் படுகாயத்துடன் மருத்துவமனையில் அனுமதிக்கப்பட்டு சிகிச்சை பெற்று வருகிறார் என்று தகவல்கள் தெரிவிக்கிறது.
இது குறித்து தகவலறிந்து சம்பவ இடத்திற்கு வந்த போலீசார் இந்த விபத்து குறித்து வழக்குப்பதிவு செய்து விசாரணை மேற்கொள்ளவுள்ளார்கள்.
அதிவேகம் காரணமாக இந்த விபத்து நேர்ந்ததா? என்னும் கோணத்தில் தான் முதற்கட்ட விசாரணை நடத்தப்படும் என்பது குறிப்பிடத்தக்கது.
ட்விட்டர் அஞ்சல்
திருப்பதி அருகே விபத்து
#JustIn | திருப்பதி ஏழுமலையான் கோயிலில் சாமி தரிசனம் செய்துவிட்டு விஜயவாடா நோக்கி சென்ற கார் மீது லாரி மோதியதில், 6 பேர் சம்பவ இடத்திலேயே உயிரிழப்பு!#SunNews | #Accident | #Tirupati pic.twitter.com/ozUanGg50R
— Sun News (@sunnewstamil) July 9, 2023