அமெரிக்கப் படைகளுக்குப் பலத்த அடி! ஈரானின் குவைத் தாக்குதல் ரகசியம் உடைந்தது; தீவிர சிகிச்சையில் டஜன் கணக்கான வீரர்கள்
செய்தி முன்னோட்டம்
ஈரானுடனான போர் தொடங்கிய ஆரம்பக் கட்டத்தில் (மார்ச் 1), குவைத்தில் உள்ள 'ஷுவைபா' துறைமுகத்தில் அமெரிக்கத் தந்திரோபாய செயல்பாட்டு மையத்தின் மீது ஈரான் நடத்திய ட்ரோன் தாக்குதல், முதலில் தெரிவிக்கப்பட்டதை விட மிகக் கடுமையான விளைவுகளை ஏற்படுத்தியுள்ளதாகத் தற்போது தகவல்கள் வெளியாகியுள்ளன. இந்தத் தாக்குதலில் 6 அமெரிக்க வீரர்கள் கொல்லப்பட்ட நிலையில், பல டஜன் வீரர்கள் மூளை பாதிப்பு, தீக்காயங்கள் மற்றும் சிதறல் காயங்களால் பாதிக்கப்பட்டுள்ளனர்.
தற்போதைய நிலவரம்
மருத்துவமனைகளில் வீரர்கள்
தற்போது வரை 30க்கும் மேற்பட்ட அமெரிக்க வீரர்கள் பல்வேறு நாடுகளில் உள்ள ராணுவ மருத்துவமனைகளில் சிகிச்சை பெற்று வருகின்றனர். ஜெர்மனி: சுமார் 25 வீரர்கள் தீவிர சிகிச்சையில் உள்ளனர். இவர்களில் 20 பேரின் நிலைமை 'அவசரம்' என வகைப்படுத்தப்பட்டுள்ளது. அவர்களுக்குத் தீவிர மூளைக் காயம் மற்றும் நினைவாற்றல் இழப்பு ஏற்பட்டுள்ளது. வாஷிங்டன்: 12 வீரர்கள் இங்குச் சிகிச்சை பெறுகின்றனர். சான் ஆண்டோனியோ: ஒரு வீரர் இங்கு அனுமதிக்கப்பட்டுள்ளார். ஒரு வீரருக்குக் கால் அல்லது கையை அகற்ற வேண்டிய சூழல் இருப்பதாகவும், இடிபாடுகளுக்குள் சிக்கியிருந்த இரண்டு வீரர்கள் பின்னர் மீட்கப்பட்டதாகவும் சிபிஎஸ் நியூஸ் தெரிவித்துள்ளது.
விளக்கம்
பென்டகன் மற்றும் பாதுகாப்புச் செயலர் விளக்கம்
இந்தத் தாக்குதல் குறித்துப் பேசிய அமெரிக்கப் பாதுகாப்புச் செயலர் பீட் ஹெக்செத், "எங்களிடம் வலுவான வான் பாதுகாப்பு அமைப்புகள் இருந்தபோதிலும், சில ஏவுகணைகள் அல்லது ட்ரோன்கள் அவற்றைத் தாண்டி வந்துவிடுகின்றன," என்று ஒப்புக்கொண்டார். பென்டகன் செய்தித் தொடர்பாளர் சீன் பார்னல் கூறுகையில், இந்தப் போர் தொடங்கியதிலிருந்து இதுவரை சுமார் 140 அமெரிக்க வீரர்கள் காயமடைந்துள்ளதாகவும், அவர்களில் பெரும்பாலானோர் மீண்டும் பணிக்குத் திரும்பியுள்ளதாகவும் தெரிவித்தார்.