அதிமுக பாதுகாப்பான கைகளில் இல்லை: சசிகலா
அதிமுகவில் நிலவி வரும் நெருக்கடிகள் குறித்து பேசிய அதிமுக முன்னாள் பொதுச்செயலாளர் வி.கே.சசிகலா 2024ஆம் ஆண்டு பொதுத் தேர்தலை முன்னிட்டு மாநிலம் முழுவதும் சுற்றுப்பயணம் மேற்கொள்ள இருப்பதாக அறிவித்துள்ளார் மறைந்த ஜெயலலிதாவின் "நம்பிக்கைக்குரிய" நபரான சசிகலா, இந்தியா டுடேக்கு அளித்த பிரத்யேகப் பேட்டியில், அதிமுக பாதுகாப்பான கைகளில் இல்லை என்றும், ஒரு கட்சிக்கு தொண்டர்களின் பலம் முக்கியம் என்றும், 100 அல்லது 200 பேரால் மட்டும் கட்சியை இயக்க முடியாது என்றும் கூறியுள்ளார். "மிக விரைவில் அனைவரும் ஒன்றிணைந்து நமது கட்சியின் பழைய பெருமையை மீட்டெடுப்போம். 2024 தேர்தலில் அனைவரும் ஒன்றிணைந்து செயல்படுவோம்." என்று தமிழக முன்னாள் முதல்வர் ஜெயலலிதாவின் பிறந்தநாள் விழாவில் கலந்து கொண்டு அவர் தெரிவித்தார்.
இந்தியா டுடே பத்திரிகைக்கு வி.கே.சசிகலா அளித்த பதிலகள்
அதிமுக வழக்கில் நேற்று உச்சநீதிமன்றம் முக்கிய தீர்ப்பை அளித்தது. அதைப் பற்றி நீங்கள் என்ன சொல்ல விரும்புகிறீர்கள்? உச்சநீதிமன்ற உத்தரவை பொறுத்த வரையில், இபிஎஸ், ஓபிஎஸ் இருவருக்குமான பூசல்தான் அதில் தெரிந்தது. சிவில் நீதிமன்றத்தில் நான் தாக்கல் செய்திருக்கும் மனுவிற்கும் அவர்களின் வழக்குக்கும் எந்த தொடர்பும் இல்லை. என்னைப் பொறுத்த வரையில், சிவில் நீதிமன்றத்தின் உத்தரவுதான் முக்கியமானதாக இருக்கும், அதற்கான நடவடிக்கைகளை விரைவுபடுத்த முயற்சி செய்வோம். விரைவில் உங்களை சந்திப்பேன் என்று ஓபிஎஸ் கூறியுள்ளார். இதைப் பற்றி நீங்கள் என்ன சொல்ல விரும்புகிறீர்கள்? கண்டிப்பாக. அவர்கள் என்னிடமிருந்து பிரிந்துவிட்டார்கள் என்று நான் நினைக்கவில்லை. என்னைப் பொறுத்தவரை (அவர்களை சந்திப்பதில்) எந்தப் பிரச்சினையும் இல்லை. என்று தெரிவித்துள்ளார்.
