இண்டிகோ விமானத்தில் புகைபிடித்த இளம்பெண் கைது
செய்தி முன்னோட்டம்
அண்மை காலமாக விமானங்களில் தொடர்ந்து அத்துமீறலான செயல்கள் அரங்கேறி தொடர்ந்து பரபரப்பினை ஏற்படுத்தி வருகிறது. அதன்படி தற்போது மீண்டும் அவ்வாறான சம்பவம் இண்டிகோ விமானத்தில் நடந்துள்ளது.
கடந்த மார்ச் மாதம் 5ம்தேதி கொல்கத்தாவில் இருந்து பெங்களூருக்கு 6E716 என்னும் எண் கொண்ட இண்டிகோ விமானம் வந்துள்ளது.
இதில் மேற்கு வங்க மாநிலத்தை சேர்ந்த 24 வயதுடைய பிரியங்கா என்னும் பெண் பயணி பயணித்துள்ளார்.
அவர் நடுவானில் விமானம் பறந்து கொண்டிருந்தபோது கழிவறைக்கு சென்று, தன்னிடம் இருந்த சிகரெட்டை எடுத்து பற்றவைத்து புகைத்து விட்டு, அதனை சரியாக அணைக்காமல் அப்படியே குப்பைத்தொட்டியில் போட்டுவிட்டு சென்றுள்ளார்.
பின்னர் சிகரெட் புகைவாசம் வந்ததை உணர்ந்த பணிப்பெண் கழிவறைக்கு சென்று பார்த்துள்ளார்.
ஜாமீனில் வெளியேவந்தார்
விமானத்தில் அத்துமீறலில் ஈடுபட்ட பெண் பயணி கைது
அப்போது சரியாக அணைக்காமல் இருந்த சிகரெட்டை பார்த்த அவர், அதனை துரிதமாக செயல்பட்டு அணைத்துள்ளார்.
விமான விதிகளை மீறிய பிரியங்கா குறித்து அந்த பணிப்பெண் குழுவிடம் கூறியதையடுத்து, இத்தகவல் பெங்களூரு விமானநிலையத்திற்கு சென்றடைந்துள்ளது.
இதனையடுத்து விமானம் பெங்களூரில் தரையிறங்கியதும் விமான நிலைய காவல்துறை பயணி பிரியங்காவை கைது செய்தனர்.
இதனையடுத்து விமானத்தில் பிற பயணிகள் உள்ளிட்டோரின் வாழ்க்கை மற்றும் தனிப்பட்ட பாதுகாப்புக்கு ஆபத்து விளைவித்தல் போன்ற குற்றச்சாட்டுகளின்கீழ் போலீசார் அப்பெண் மீது வழக்குப்பதிவு செய்து விசாரணை செய்துள்ளார்கள்.
அதன் பின்னர் இந்த குற்றச்சாட்டுகளின் படி, 3 மாத சிறைக்காலம் அல்லது ரூ.250 அபராதம் செலுத்த வேண்டும் என்று கூறப்பட்டதாக தெரிகிறது.
தொடர்ந்து பிரியங்காவிற்கு ஜாமீன் அளிக்கப்பட்டு அவர் வெளியே வந்துவிட்டார் என்பது குறிப்பிடத்தக்கது.