சிம்லாவில் உள்ள சிவன் கோவில் இடிந்து விழுந்து விபத்து: 9 பேர் பலி
கனமழையால் இமாச்சலப் பிரதேசத்தின் சிம்லாவில் உள்ள சிவன் கோவில் இடிந்து விழுந்து விபத்து ஏற்பட்டது. இந்த விபத்தில் சிக்கி உயிரிழந்தவர்கள் 9 பேரின் உடல்கள் மீட்கப்பட்டுள்ளதாக முதல்வர் சுக்விந்தர் சிங் சிக்கு தெரிவித்துள்ளார். சவான் என்ற சிவ பூஜையை முன்னிட்டு பலர் சிவன் கோவிலுக்கு சென்றிருந்த போது, இந்த விபத்து ஏற்பட்டது. கோயிலின் இடிபாடுகளில் இன்னும் பலர் சிக்கியிருக்கலாம் என அஞ்சப்படுகிறது. சிக்கியிருக்கும் நபர்களை மீட்பதற்காக இடிபாடுகளை அகற்ற உள்ளூர் நிர்வாகம் விடாமுயற்சியுடன் செயல்பட்டு வருகிறது என்று இமாச்சல் முதல்வர் தெரிவித்துள்ளார். போலீசார் மற்றும் மாநில பேரிடர் மீட்பு படையினர் சம்பவ இடத்திற்கு சென்று மீட்பு பணியில் ஈடுபட்டுள்ளனர்.
சம்பவ இடத்திற்கு முதல்வர் சுகு வந்து பார்வையிடுவார் என எதிர்பார்க்கப்படுகிறது
சம்பவம் நடந்தபோது கிட்டத்தட்ட 50 பேர் கோவிலில் கூடியிருந்ததாக கூறப்படுகிறது. "கனமழையின் விளைவாக கோடை மலையில் உள்ள சிவன் கோவில் இடிந்து விழுந்து ஒரு துயரமான சம்பவம் ஏற்பட்டுள்ளது. தற்போது வரை ஒன்பது உடல்கள் மீட்கப்பட்டுள்ளன. உள்ளூர் நிர்வாகம் இன்னும் சிக்கியிருக்கக்கூடிய நபர்களை மீட்கும் பணியில் தீவிரமாக ஈடுபட்டுள்ளது." என்று முதல்வர் சுக்விந்தர் சிங் சுகு தனது ட்விட்டர் பதிவில் கூறியுள்ளார். சம்பவ இடத்திற்கு முதல்வர் சுகு வந்து பார்வையிடுவார் என எதிர்பார்க்கப்படுகிறது. இதற்கிடையில், இமாச்சல பிரதேசத்தின் சோலன் கிராமத்தில் மேக வெடிப்பு தாக்கியதில் 7 பேர் பலியாகினர். நேற்று இரவு ஜாடோன் கிராமத்தில் இந்த சம்பவம் நடந்தது. மேக வெடிப்பு சம்பவத்தில் இருந்து ஆறு பேர் மீட்கப்பட்டதாக அதிகாரி ஒருவர் தெரிவித்துள்ளார்.
