அதிகமான விமான பணியாளர்கள் 'சிக் லீவ்' எடுத்ததால் 86 ஏர் இந்தியா எக்ஸ்பிரஸ் விமானங்கள் ரத்து
செய்தி முன்னோட்டம்
அதிகமான கேபின் குழு உறுப்பினர்கள் 'சிக் லீவ்' எடுத்ததை அடுத்து இன்று 86க்கும் மேற்பட்ட ஏர் இந்தியா எக்ஸ்பிரஸ் விமானங்கள் ரத்து செய்யப்பட்டதாக தகவல்கள் தெரிவிக்கின்றன.
ஏறக்குறைய 300 மூத்த கேபின் குழு உறுப்பினர்கள் கடைசி நிமிடத்தில் உடல்நிலை சரியில்லை என்று கூறியதாகவும், தங்கள் மொபைல் ஃபோன்களை அவர்கள் அணைத்துவிட்டதாகவும் அதிகாரப்பூர்வ அறிக்கைகள் குறிப்பிடுகின்றன.
இதனால் 86 ஏர் இந்தியா எக்ஸ்பிரஸ் விமானங்கள் ரத்து செய்யப்பட்டுள்ளன.
ஏர் இந்தியா எக்ஸ்பிரஸ் நிறுவனத்தில் புதிய வேலைவாய்ப்பு விதிமுறைகள் குறித்து அதிருப்தியை வெளிப்படுத்திய பணியாளர்கள் இந்த நூதன போராட்டத்தை செய்வதாக நம்பப்படுகிறது.
இந்தியா
பாதிக்கப்பட்ட பயணிகளுக்கு நிவாரணம்
எக்ஸ்பிரஸ் நிர்வாகம், புதிய வேலைவாய்ப்பு விதிமுறைகள் குறித்து அதிருப்தியை வெளிப்படுத்திய எதிர்ப்புக் குழுவினருடன் தொடர்பு கொள்ள முயற்சித்து வருகிறது.
இந்த நெருக்கடிக்கு மத்தியில், "எங்கள் கேபின் குழுவில் ஒரு பகுதியினர் கடைசி நிமிடத்தில் நோய்வாய்ப்பட்டுள்ளதாக தெரிவித்துள்ளனர். இதனால் நேற்றிரவு தொடங்கி, விமானங்கள் ரத்து செய்யப்பட்டு வருகின்றன." என்று ஏர் இந்தியா எக்ஸ்பிரஸ் செய்தித் தொடர்பாளர் கூறியுள்ளார்.
விமானம் ரத்து செய்யப்பட்டதற்கு பதிலளிக்கும் விதமாக, ஏர் இந்தியா எக்ஸ்பிரஸ் பாதிக்கப்பட்ட பயணிகளுக்கு முழு பணத்தைத் திரும்பத் தர ஒப்புக்கொண்டது.அப்படி இல்லையென்றால், பயணிகள் தங்கள் பயணத்தை மற்றொரு தேதிக்கு எந்த கட்டணமும் இல்லாமல் மாற்றிக்கொள்ளலாம்.