தமிழ்நாடு அரசியலில் பெரும் தாக்கத்தினை ஏற்படுத்திய 'திமுக ஃபைல்ஸ்' ஓர் பார்வை
செய்தி முன்னோட்டம்
தமிழ்நாடு பாஜக கட்சி தலைவர் அண்ணாமலை அண்மையில் சில பக்கங்களை கொண்ட பட்டியலினை 'திமுக ஃபைல்ஸ்' என்னும் பெயரில் வெளியிட்டார்.
இந்த பட்டியல் தமிழ்நாடு அரசியல் வட்டாரத்தில் பெரும் புயலினை கிளப்பியது.
அதன்படி அந்த 'திமுக ஃபைல்ஸ்'ல் உள்ள முக்கிய 5 உண்மைத்தன்மையினை இந்த செய்தி குறிப்பில் காண்போம்.
சென்னையில் ஏப்ரல் 14ம் தேதி நடந்த செய்தியாளர் சந்திப்பில் பேசிய அண்ணாமலை, தமிழ்நாட்டில் முந்தைய திமுக ஆட்சியில் 2011 சட்டமன்ற தேர்தலுக்கு முன்னதாக மு.க.ஸ்டாலின் துணை முதல்வராக இருந்த பொழுது நடந்த சென்னை மெட்ரோ ரயில் ஒப்பந்தத்தினை பெற ஒரு நிறுவனத்திற்கு ஆதரவாக ரூ.200 கோடி லஞ்சம் பெற்றதாக குற்றம்சாட்டினார்.
ஆனால் இந்த குற்றச்சாட்டினை திமுக மற்றும் மெட்ரோ நிறுவனம் மறுத்துள்ளது.
பாஜக
அடையாளம் தெரியாத நபர் முதல்வர் குடும்பத்தினர் மீது ஊழல் குற்றசாட்டு
அதனையடுத்து, முதல்வர் மு.க.ஸ்டாலின் மகன் உதயநிதி ஸ்டாலின், மருமகன் சபரீசன் ஒரேயாண்டில் ரூ.30,000கோடி சொத்து சேர்த்ததாக நிதியமைச்சர் யாரோஒருவரோடு பேசும் ஆடியோ கடந்த 20ம்தேதி இணையத்தில் வெளியிடப்பட்டது.
இதற்கு 2நாட்களுக்கு பிறகு மறுப்பு தெரிவித்த நிதியமைச்சர் இது தன் குரலில்லை, புனையப்பட்டஆடியோ என்றும்,
திமுக தொண்டர்கள் இடையேயும், தனக்கும் முதல்வருக்கும் இடையில் பிளவினை ஏற்படுத்தவே இவ்வாறு செய்வதாக கூறினார்.
தொடர்ந்து மீண்டும் செவ்வாய்க்கிழமையன்று பழனிவேல்தியாகராஜன் பேசிய 2ம்வீடியோவினை அண்ணாமலை வெளியிட்டார்.
அதில் அடையாளம் தெரியாத நபர் முதல்வர் குடும்பத்தினர்மீது ஊழல் குற்றசாட்டினை முன்வைக்கிறார்.
முதல்வரின் மகனும்,மருமகனும் கொள்ளையடித்த பெரும்பகுதியினை எடுத்துச்செல்வதாக சபாநாயகர் கூறுவதை கேட்கமுடிகிறது.
அதேபோல் பாஜக ஆட்சியினை பாராட்டியும், 'சிஸ்டம் சரியில்லை'என திமுகவை கேலி செய்வதையும் நம்மால் கேட்கமுடிகிறது என்பது குறிப்பிடத்தக்கது.