சென்னை பாரிமுனையில் 4 மாடி கட்டிடம் இடிந்து விழுந்து விபத்து - மீட்புப்பணியில் தீயணைப்புத்துறை
செய்தி முன்னோட்டம்
சென்னை பாரிமுனை பகுதியில் உள்ள அரண்மனைக்காரன் தெருவில் உள்ள பழமைவாய்ந்த நான்கு மாடி கட்டிடம் ஒன்று உள்ளது.
இங்கு புனரமைக்கும் பணிகள் நடந்து வந்ததாக கூறப்படுகிறது.
இந்நிலையில் இந்த கட்டிடம் திடீரென சரிந்து விழுந்துள்ளது.
உடனே அங்கிருந்த மக்கள் இது குறித்து பாரிமுனை, பூக்கடை பகுதி தீயணைப்பு நிலையத்திற்கும், காவல்துறைக்கும் தகவலை தெரிவித்துள்ளார்கள்.
அந்த தகவலின் படி. சம்பவ இடத்திற்கு 6க்கும் மேற்பட்ட தீயணைப்பு வாகனத்தில் வந்த தீயணைப்பு துறையினர் மீட்பு பணியில் ஈடுபட்டுள்ளனர்.
மேலும் கட்டிடத்திற்குள் யாரேனும் சிக்கியுள்ளார்களா என்றும் ஆய்வுகள் மேற்கொள்ளப்பட்டது.
மீட்பு
இடிப்பாடுகள் நீக்கினால் மட்டுமே உண்மை நிலவரம் வெளியாகும்
அதனையடுத்து, கட்டிட விபத்தில் சிக்கியவர்களை மீட்க அரக்கோணம் மற்றும் சென்னை அடையாறு பகுதியிலிருந்து தேசிய பேரிடர் மீட்பு படை வீரர்களும் அதிநவீன உபகரணங்களோடு சம்பவ இடத்திற்கு வந்ததாக கூறப்படுகிறது.
கட்டிடத்தில் புனரமைப்பு பணிகள் நடந்து வந்ததால் அங்கு யாரும் வசிக்கவில்லை.
அதே நேரத்தில் இந்த கட்டிட பணியில் 5 பேர் ஈடுபட்டிருந்ததாக கூறப்படும் நிலையில் உயிரிழப்பு ஏதேனும் நிகழ்ந்திருக்குமோ என்னும் அச்சம் நிலவுகிறது.
இடிந்து விழுந்த அந்த 4 மாடி கட்டிட இடிபாடுகளை அகற்றினால் மட்டுமே விபத்தில் சிக்கியவர்களின் நிலைப்பாடுகள் தெரியவரும் என்று கூறப்படுகிறது.
மேலும் இது குறித்த முதல் கட்ட விசாரணையில் 2 ஊழியர்களை காணவில்லை என்றும் தகவல்கள் தெரிவிக்கிறது குறிப்பிடத்தக்கது.