சென்னையில் போதை பொருள் விற்பனை செய்த 2 பேர் கைது
செய்தி முன்னோட்டம்
சென்னையில் கூடுதல் துணை ஆணையர் ரோந்து பணியில் ஈடுபட்டிருந்த பொழுது போதைப்பொருள் விற்பனை செய்து கொண்டிருந்த 2 நபர்கள் சிக்கிய நிலையில், அவர்கள் கைது செய்யப்பட்டுள்ளார்கள்.
சென்னை ராயபுரம் பகுதியில் வெளி மாவட்டத்தினை சேர்ந்த 2 பேர் போதை பொருட்களை விற்பனை செய்வதற்காக சென்னைக்கு வருகை தந்துள்ளார்கள் என்று காவல்துறையினருக்கு ரகசிய தகவல் வந்துள்ளது.
அந்த தகவலின் பேரில், கூடுதல் துணை ஆணையர் லட்சுமணன் தலைமையில் போலீசார் நேற்று(மே.,8) இரவு தீவிர ரோந்து பணியில் ஈடுபட்டிருந்தனர் என்று கூறப்படுகிறது.
அப்பொழுது ராயபுரம் பகுதியில் சந்தேகத்திற்கு இடமளிக்கும் வகையில் சுற்றி திரிந்த இருவரை பிடித்து காவல்துறையினர் சோதனை செய்துள்ளார்கள்.
கஞ்சா
போதைப்பொருளினை வாங்க முயன்றவர்களை போலீசார் தேடி வருகிறது
அப்போது அவர்களிடம் இருந்து சுமார் 1 கிலோ 100 கிராம் எடைகொண்ட உயர்ந்த ரக போதை பொருளான மெத்தபெட்டமின் என்னும் போதை பொருள் இருந்தது தெரியவந்தது.
பின்னர் அவர்களை காவல் நிலையத்திற்கு அழைத்து சென்ற காவல்துறையினர் அங்கு வைத்து விசாரணை மேற்கொண்டுள்ளார்கள்.
அந்த விசாரணையில், அந்த இருவரில் ஒருவர் சிவகங்கை மாவட்டத்தினை சேர்ந்த காசிம்(40 என்பதும், மற்றொருவர் கடலூர் மாவட்டத்தினை சேர்ந்த குமரவேல்(38) என்பதும் தெரியவந்தது.
அதன் பின்னர் அவர்கள் 2 பேரையும் கைது செய்த போலீசார் அவர்கள் மீது வழக்குப்பதிவு செய்து நீதிமன்றத்தில் ஆஜர்படுத்தி சிறையில் அடைத்தனர்.
மேலும் இந்த உயர்ரக போதை பொருளினை வாங்க வந்த 2 பேரையும் காவல்துறை தீவிரமாக தேடி வருவது குறிப்பிடத்தக்கது.