க்ரைம் ஸ்டோரி: 19 வயது மாணவிக்கு மயக்க மருந்து கொடுத்து பலாத்காரம் செய்த இருவர் கைது
செய்தி முன்னோட்டம்
இந்த வார Newsbytes-ன் க்ரைம் ஸ்டோரி: மும்பையில் உள்ள பாபா அணு ஆராய்ச்சி மைய(BARC) குடியிருப்பில் தங்கி இருந்த 19 வயது கல்லூரி மாணவிக்கு மயக்க மருந்து கொடுத்து பாலியல் பலாத்காரம் செய்த இருவர் கைது செய்யப்பட்டுள்ளனர்.
பாதிக்கப்பட்ட பெண்ணின் தந்தை BARCயில் பணி புரிவதால், அந்த ஆராய்ச்சி மையத்தின் ஊழியர்களுக்காக ஒதுக்கப்பட்ட குடியிருப்பில் பாதிக்கப்பட்ட மாணவி தங்கி கல்லூரியில் படித்து வந்தார்.
அதே குடியிருப்பில் வசிக்கும் அஜித்குமார் யாதவ்(26) என்பவர் கடந்த புதன்கிழமை மாலை தனது பக்கத்து வீட்டில் வசிக்கும் அந்த மாணவியை தொடர்பு கொண்டு, தனக்கு இண்டக்ஷன் அடுப்பு தேவைப்படுவதாக கூறி இருக்கிறார்.
அஜித்குமாரின் உண்மை முகத்தை அறியாத அந்த மாணவியும் அடுப்பை கொடுப்பதற்காக பக்கத்து வீட்டுக்கு சென்றிருக்கிறார்.
டிஜிவ்ன்
வீட்டில் யாரும் இல்லாத போது பாக்கத்துவீட்டுக்கு சென்ற மாணவிக்கு நடந்த அவலம்
அந்த மாணவி பக்கத்து வீட்டுக்கு சென்ற போது, அங்கு அஜித்குமார் மற்றும் அவரது நண்பர் பிரபாகர் யாதவ்(30) வீட்டில் இருந்திருக்கின்றனர்.
அஜித் குமாரோடு வசிக்கும் அவரது தந்தையும் தாயும் அன்று வீட்டில் இல்லை.
முதலில், அந்த மாணவியிடம் நட்புறவோடு பேசிய அந்த நண்பர்கள் இருவரும், பின்பு அந்த பெண்ணுக்கே தெரியாமல் அவர் குடிக்கும் குளிர் பானத்தில் மயக்க மருந்து கலந்தனர்.
இதனையடுத்து, சிறிது நேரத்திலேயே அந்த மாணவி சுயநினைவை இழந்தார்.
அதன்பிறகு, அன்று இரவு முழுவதும் நண்பர்கள் இருவரும் மாறி மாறி அந்த இளம்பெண்ணை பாலத்காரம் செய்ததாக வழக்கு பதிவு செய்யப்பட்டுள்ளது.
அதற்கு அடுத்த நாள் நினைவு தெளிந்து விழித்த அந்த மாணவி, உடனடியாக தன் நண்பர்களின் உதவியோடு காவல்துறையை அணுகினார்.
பிஜியூ
போலீஸார் இது குறித்து மேலும் விசாரணை நடத்தி வருகின்றனர்
அந்த பெண்ணின் புகாரின் அடிப்படையில், 376(பலாத்காரம்), 376 (டி)(கும்பல் பலாத்காரம்) உள்ளிட்ட பல்வேறு இந்திய தண்டனைச் சட்டப் பிரிவின் கீழ், கோவண்டி பகுதியில் வசிக்கும் 26 வயது அஜித்குமார் யாதவ் மற்றும் அவரது 30 வயது நண்பர் பிரபாகர் யாதவ் மீது FIR பதிவு செய்யப்பட்டது.
மேலும், அஜித்குமார் யாதவின் வீட்டை சோதனை செய்த போலீஸார் அவரது வீட்டில் இருந்த மயக்க மருந்து கலந்த குளிர் பானத்தின் மாதிரியையும் ஆய்வுக்கு அனுப்பியுள்ளனர்.
அது போக,குற்றம்சாட்டப்பட்ட அஜித்குமார் யாதவ் மற்றும் அவரது நண்பர் பிரபாகர் யாதவ் ஆகியோர் கைது செய்யப்பட்டுள்ளனர்.
போலீஸார் இது குறித்து மேலும் விசாரணை நடத்தி வருகின்றனர்.