மத்திய அரசுக்கு எதிரான மனு: ஏஜென்சிகளை தவறாக பயன்படுத்துவதாக குற்றசாட்டு
செய்தி முன்னோட்டம்
மத்திய புலனாய்வு அமைப்புகளை மத்திய அரசு தவறாக பயன்படுத்துவதாகக் கூறி 14 எதிர்க்கட்சிகள் உச்ச நீதிமன்றத்தை அணுகியுள்ளன. இந்த வழக்கை ஏப்ரல் 5ஆம் தேதி உச்சநீதிமன்றம் விசாரிக்க இருக்கிறது.
மத்திய புலனாய்வு அமைப்பு(CBI), அமலாக்க இயக்குநரகம்(ED) போன்ற அமைப்புகள் பாஜகவின் எதிர்ப்பாளர்களை மட்டுமே குறிவைத்து வருவதாக எதிர்கட்சிகள் குற்றம் சாட்டியுள்ளன.
பாஜகவில் இணைந்தவுடன் தலைவர்கள் மீதான வழக்குகள் கைவிடப்படுவதாகவும் அல்லது புதைக்கப்படுவதாகவும் எதிர்க்கட்சியினர் கூறியுள்ளனர்.
இந்த குற்றச்சாட்டுகளை மறுத்துள்ள பாஜக, ஏஜென்சிகள் சுதந்திரமாக செயல்படுவதாக தெரிவித்துள்ளது.
தலைமை நீதிபதி டி.ஒய்.சந்திரசூட் தலைமையிலான நீதிபதிகள், மூத்த வழக்கறிஞர் அபிஷேக் சிங்வியின் மனுவை ஏற்றுக்கொண்டு, அதை இரண்டு வாரங்களில் விசாரிப்பதற்காக விசாரணை பட்டியலில் சேர்த்துள்ளனர்.
இந்தியா
கைது செய்வதற்கான வழிகாட்டுதலை பின்பற்ற வேண்டும்: எதிர்க்கட்சிகள்
கைதுக்கு முந்தைய மற்றும் கைதுக்கு பிந்தைய வழிகாட்டுதல்களை மத்திய புலனாய்வு அமைப்புகள் பின்பற்ற வேண்டும் என்றும் எதிர்கட்சிகள் கோரிக்கை விடுத்துள்ளன.
"95 சதவீத வழக்குகள் எதிர்க்கட்சித் தலைவர்களுக்கு எதிராக போடப்பட்டுள்ளன. கைதுக்கு முந்தைய வழிகாட்டுதல்களையும், கைதுக்குப் பிந்தைய வழிகாட்டுதல்களையும் நாங்கள் கோருகிறோம்," என்று சிங்வி கூறியுள்ளார்.
திமுக, காங்கிரஸ், திரிணாமுல் காங்கிரஸ், ஆம் ஆத்மி, ஜனதா தளம், பாரத் ராஷ்டிர சமிதி, ராஷ்டிரிய ஜனதா தளம், சமாஜ்வாடி, சிவசேனா (உத்தவ் தாக்கரே பிரிவு), தேசிய மாநாடு, தேசியவாத கட்சி உள்ளிட்ட கட்சிகள் உச்ச நீதிமன்றத்தில் இந்த வழக்கை தொடர்ந்துள்ளன.