விஜய் தேவரகொண்டா-சமந்தா இணைந்து நடிக்கும் 'குஷி' படத்தின் ட்ரைலர்
ஷிவா நிர்வாணா இயக்கத்தில் விஜய் தேவரகொண்டா, சமந்தா இணைந்து நடித்துள்ள படம் 'குஷி'. மைத்ரி மூவி மேக்கர்ஸ் நிறுவனம் இப்படத்தினை தயாரித்துள்ள நிலையில், இப்படம் தமிழ், தெலுங்கு, மலையாளம், கன்னடம், இந்தி உள்ளிட்ட 5 மொழிகளில் வரும் செப்டம்பர் மாதம் 1ம் தேதி வெளியாகவுள்ளதாக தகவல்கள் வெளியாகியுள்ளது. இதன் படப்பிடிப்புகள் அனைத்தும் முடிவடைந்த நிலையில் இதன் போஸ்ட் ப்ரொடக்க்ஷன் பணிகள் தற்போது நடந்து வருகிறது என்று கூறப்படுகிறது. ஹேஷம் அப்துல் வஹாப் இசையமைத்துள்ள இப்படத்தில் சச்சின் கெடகர், முரளி ஷர்மா, ஜெயராம், சரண்யா, லட்சுமி அலி, ரோகிணி, வெண்ணிலா கிஷோர் உள்ளிட்ட பலர் நடித்துள்ளனர். இந்நிலையில் இப்படத்தின் ட்ரைலர் அண்மையில் இணையத்தில் வெளியாகி ரசிகர்கள் மத்தியில் நல்ல வரவேற்பினை பெற்று வருகிறது.
