பொன்னியின் செல்வன்-2 ட்ரைலர் குறித்த அறிவிப்பு
பொன்னியின் செல்வன் முதல் பாகம் கடந்த வருடம் செப்டம்பர் 30ம் தேதி உலகம் முழுவதும் 5 ஆயிரத்தி 500க்கும் மேற்பட்ட திரையரங்குகளில் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகியது. பெரும் எதிர்பார்ப்பிற்கு மத்தியில் வெளியான இப்படம் ரூ.500 கோடிக்கு மேல் வசூலினை ஈட்டி சாதனை படைத்தது. இதனை தொடர்ந்து இப்படத்தின் இரண்டாம் பாகம் விரைவில் வெளியாகவுள்ளது என்று செய்திகள் தொடர்ந்து வந்து கொண்டிருந்தது. எழுத்தாளர் கல்கி கைவண்ணத்தில் எழுதப்பட்ட அருமையான நாவல் 'பொன்னியின் செல்வன்'. இதனை தழுவி எடுக்கப்பட்ட படம் தான் 'பொன்னியின் செல்வன்' ஆகும்.
'பொன்னியின் செல்வன்-2' படம் ஏப்ரல் 28ம் தேதி வெளியீடு
இந்நிலையில் தற்போது பொன்னியின் செல்வன் இரண்டாம் பாகத்தின் ட்ரைலர் குறித்த அறிவிப்பு வெளியாகியுள்ளது. அதன்படி 'பொன்னியின் செல்வன்-2' படம் ஏப்ரல் 28ம் தேதி வெளியாகும் என்று படக்குழு தெரிவித்துள்ள நிலையில், அதற்கான பணிகளும் தீவிரமாக நடந்து வருகிறது. இந்நிலையில் இப்படத்தின் ட்ரைலர் வரும் 29ம் தேதி வெளியாகும் என்று அறிவிக்கப்பட்டுள்ளது. இந்த தகவலை படக்குழு இணையத்தில் போஸ்டர் ஒன்றினை வெளியிட்டு அறிவித்துள்ளது. இந்த அறிவிப்பால் ரசிகர்கள் மத்தியில் பெரும் எதிர்பார்ப்பினை ஏற்படுத்தியுள்ளது. மணிரத்னம் இயக்கம் இப்படத்தினை மெட்ராஸ் டாக்கீஸ் மற்றும் லைகா புரொடக்க்ஷன்ஸ் நிறுவனங்கள் இணைந்து பெரும் பிரமாண்ட முறையில் தயாரித்து வருகிறார்கள்.
