'நா ரெடி' பாடலின் ரிலீஸ் நேரத்தை அறிவித்தது 'லியோ' படக்குழு
செய்தி முன்னோட்டம்
நடிகர் விஜய்யின் பிறந்தநாளை முன்னிட்டு இன்று(ஜூன் 22) மாலை 6:30 மணிக்கு 'நா ரெடி' பாடல் வெளியிடப்படும் என்று லியோ படக்குழு அறிவித்துள்ளது.
லோகேஷ் கனகராஜ் இயக்கத்தில் நடிகர் விஜய் நடிக்கும் 'லியோ' திரைப்படத்தின் படப்பிடிப்பு விறுவிறுப்பாக நடைபெற்று வருகிறது.
இப்படத்தில் விஜய்க்கு ஜோடியாக திரிஷா நடித்துள்ளார்.
கிட்டத்தட்ட 14 ஆண்டுகளுக்கு பிறகு இந்த ஜோடி மீண்டும் திரையில் இணைய இருப்பதால், ரசிகர்கள் மத்தியில் இந்த படத்திற்கு பெரும் எதிர்பார்ப்பு இருந்து வருகிறது.
இந்நிலையில், நடிகர் விஜய்யின் பிறந்தநாளை முன்னிட்டு நேற்று நள்ளிரவு 12 மணிக்கு 'லியோ' பர்ஸ்ட் லுக் போஸ்டர் வெளியிடப்பட்டது.
நஃபிஜிஸ்ட்
"கட்டுக்கடங்காத நதிகளின் உலகில்..": லியோவின் பர்ஸ்ட் லுக் போஸ்டர்
விஜய் யாரோ ஒருவரை சுத்தியலால் அடிப்பது போல சித்தரிக்கப்பட்டிருக்கும் இந்த போஸ்டரில், அவருக்கு பின்னால் ஒரு ஹைனா கத்தி கொண்டிருப்பது போல் தெரிகிறது.
மேலும், இந்த போஸ்டரில், "கட்டுக்கடங்காத நதிகளின் உலகில், அமைதியான நீர் தெய்வீகமாகவோ அல்லது பயங்கரமான பேய்களாகவோ மாறும்" என்ற வாசகம் ஆங்கிலத்தில் எழுதப்பட்டிருக்கிறது.
லியோ போஸ்டரில் என்னென்ன விவரங்கள் மறைந்திருக்கிறது என்பதை கண்டுபிடிக்க ஒரு பெரிய விவாதமே நடைபெற்று வரும் நிலையில், இன்று மாலை 6:30 மணிக்கு இப்படத்தின் 'நா ரெடி' என்ற பாடல் வெளியாகும் என்பதை லியோ படக்குழு அறிவித்திருக்கிறது.
இந்த பாடலில் நடிகர் விஜய், 2000-நடன கலைஞர்களுடன் நடனமாடி இருக்கிறார் என்று கூறப்படுகிறது.
இந்த பாடலை விஜயே பாடி இருக்கிறார் என்பது இதன் கூடுதல் சிறப்பு!