இயக்குனர்-நடிகர் T.ராஜேந்தரின் பிறந்தநாள்: அவரை பற்றி சில சுவாரசிய தகவல்கள்
கோலிவுட்டின் 'அஷ்டாவதானி' என புகழப்படுபவர் T.ராஜேந்தர். T.R என்று சுருக்கமாக அழைக்கப்படும் T.ராஜேந்தர், பல கலைகளை. தன் சுய முயற்சியால் கற்று தேர்ந்தவர். யாருடைய வழிகாட்டுதலும் இன்றி, திரைப்பட இயக்கம், இசை, நடிப்பு என பல துறைகளிலும் முன்னோடியாக திகழ்பவர் TR . அவரின் 69-வது பிறந்தநாளான இன்று அவரை பற்றி சில சுவாரசிய தகவல்களை காண்போம். இவரின் முதல் படமான 'ஒரு தலை ராகம்' படத்தின் கதை மட்டும் தான் இவருடையது. அதை இயக்கியது இப்ராஹிம் என்பவர். அந்த படத்தில் சிறிய வேடத்திலும் நடித்துள்ளார். அதோடு, படத்தின் பாடல்களை எழுதியதும், மெட்டமைத்ததும் T.R தான். முற்றிலும் புது முகங்களை வைத்து, தான் படித்த கல்லூரியிலே இந்த படத்தை படமாக்க வைத்தார் T.R.
குடும்ப கதைகளில் வெற்றி கண்ட இயக்குனர் ராஜேந்தர்
இவர் அறிமுகம் செய்த நடிகைகள் அனைவரும் தற்போது வரை சினிமாவில் பிரபலமாகி உள்ளனர். அமலா, நளினி தொடங்கி மும்தாஜ் வரை இவரின் அறிமுகங்கள் தான். தலை நிறைய முடி, தாடி என ஹீரோவின் எந்த அம்சமும் இல்லாமல், வெற்றி பெற்ற நடிகர் ராஜேந்தர். பாடல்களுக்கென பிரத்யேகமாக, காஸ்ட்லியான செட் அமைக்கும் ட்ரெண்டை துவக்கியவரும் இவரே. அதோடு, அடுக்கு மொழி மூலம், பஞ்ச் வசனங்கள் பேசும் ட்ரெண்டை உருவாக்கியதும் இவர் தான். இவர்தமிழின் மீது கொண்ட ஈடுபாட்டால், தனது பிள்ளைகளுக்கு, சிலம்பரசன், குறளரசன், இலக்கியா என தமிழ் பெயர்களையே சூட்டினார். தன்னுடைய மகனை (சிம்பு), சிறு குழந்தையாக இருக்கும் போதே ஹீரோவாக அறிமுகம் செய்தது மட்டுமின்றி, அந்த படத்தை வெற்றி அடைய வைத்தார்.
இந்த காலவரிசையைப் பகிரவும்