திரையுலகம் சார்பில் கலைஞர்100- ரஜினிக்கு நேரில் அழைப்பு விடுத்த தயாரிப்பாளர்கள் சங்கம்
செய்தி முன்னோட்டம்
தமிழ் திரையுலகம் சார்பில் நடைபெறவிருக்கும் முத்தமிழ் அறிஞர் கலைஞரின் நூற்றாண்டு விழாவில் பங்கேற்க, சூப்பர் ஸ்டார் ரஜினிகாந்துக்கு தயாரிப்பாளர்கள் சங்கத்தினர் அழைப்பு விடுத்துள்ளனர்.
மறைந்த திமுக தலைவரும், தமிழ்நாடு முதல்வருமான கலைஞரின் நூற்றாண்டு விழாவை தமிழ்நாடு முழுவதும் திமுகவினர் கொண்டாடி வருகின்றனர்.
தமிழ்நாடு அரசு சார்பிலும், இவ்விழா பிரம்மாண்டமாக கொண்டாடப்பட்டு வருகிறது.
தமிழ் திரையுலகம் சார்பில் கலைஞர் நூற்றாண்டு விழா அடுத்த மாதம் சென்னையில் பிரமாண்டமாக நடைபெற உள்ளது. இதற்கான ஏற்பாடுகளை தயாரிப்பாளர்கள் சங்கத்தினர் செய்து வருகின்றனர்.
இவ்விழாவில், தொழிலாளர்கள் சங்கமான பெப்சி, முதல் அனைத்து திரையுலக சங்கங்களும் பங்கேற்க உள்ளன. தமிழ்நாடு முதலமைச்சர் முக ஸ்டாலின் தலைமையில் இவ்விழா நடைபெற உள்ளது.
2nd card
ரஜினி, கமல் பங்கேற்கும் கலைஞரின் நூற்றாண்டு விழா
இந்நிகழ்ச்சியில் பங்கேற்க ரஜினிகாந்துக்கு தயாரிப்பாளர்கள் சங்கம், சென்னை போயஸ்கார்டன் பகுதியில் உள்ள அவரது வீட்டிற்கு நேரில் சென்று அழைப்பு விடுத்துள்ளது.
தயாரிப்பாளர்கள் சங்கத்தின் செயலாளர் ஆர்.ராதாகிருஷ்ணன், தலைவர் என்.ராமசாமி, நடிகர் சங்க துணைத் தலைவர் பூச்சி எஸ். முருகன், பொருளாளர் கார்த்தி உள்ளிட்டோர் நேரில் அழைப்பிதழை வழங்கினர்.
முன்னதாக, இவ்விழாவில் பங்கேற்க கமலஹாசனுக்கும் அழைப்பு விடுக்கப்பட்டது.
ரஜினி, கமல் முன்னிலையில் திரையுலகமே இவ்விழாவில் திரளும் என தயாரிப்பாளர்கள் சங்கத்தின் தலைவர் முரளி ராமசாமி தெரிவித்துள்ளார்.
இந்த விழாவில், கலைஞர் தமிழ் சினிமாவுக்கு ஆற்றிய பங்கு குறித்த மலர் வெளியிடப்பட உள்ளது குறிப்பிடத்தக்கது.
ட்விட்டர் அஞ்சல்
ரஜினிக்கு அழைப்பு விடுத்த தயாரிப்பாளர் சங்கத்தினர்
— Ramesh Bala (@rameshlaus) November 17, 2023