"குஷ்பு காதலை மறுத்திருந்தால், என்னோட நெக்ஸ்ட் சாய்ஸ் இவர்தான்": சுந்தர் சி
செய்தி முன்னோட்டம்
கோலிவுட்டின் பிரபல இயக்குனர் சுந்தர்.சி சமீபத்தில் ஒரு பிரபல ஊடகத்திற்கு பேட்டி அளித்தார். அதில் தனது படங்களில் நடித்த ஹீரோயின்கள் பற்றி கேட்கப்பட்டது.
அப்போது, தன்னுடைய ஃபேவரைட் நடிகை பற்றியும் கூறியுள்ளார். இயக்குனர் சுந்தர்.சி, ரஜினிகாந்தை இயக்கிய திரைப்படம் தான் அருணாச்சலம்.
சமீபத்தில் 26 ஆண்டுகளை நிறைவு செய்த அந்த திரைப்படத்தின் ஹீரோயின், மறைந்த நடிகை சௌந்தர்யா. அவர் தான் சுந்தர்.சி-யின் க்ரஷ்-ஆம்.
அந்த பேட்டியில் அவர், "நான் பணியாற்றியதிலேயே எனக்கு மிகவும் பிடித்த ஹீரோயின் செளந்தர்யா தான். ஒருவேளை குஷ்பு என் வாழ்க்கையில் வராமல் இருந்திருந்தால் கண்டிப்பா செளந்தர்யாவுக்கு புரபோஸ் பண்ணிருப்பேன்" எனக்கூறியுள்ளார்.
card 2
ரம்பா, திரிஷா குறித்தும் பதிலளித்த சுந்தர்.சி
த்ரிஷா குறித்து பேசிய சுந்தர்.சி , தன்னுடைய பல படங்களில், அவர் நடிப்பதாக இருந்ததும், கடைசி நேர மாறுதல் காரணமாக அவர் நடிக்க முடியாமல் போனதும், இறுதியாக, அரண்மனை 2 படத்தில் நடித்தார் எனவும் கூறினார். அதோடு, "அவரை மேலோட்டமாக பார்க்கும் போது ஈடுபாடு இல்லாத ஒரு நடிகையாக தெரிவார். ஆனால் மிகவும் திறமையான நடிகை" எனவும் கூறினார்.
நடிகை ரம்பா, முழுக்க முழுக்க சொந்த உழைப்பால் உயர்ந்தவர் என்று பெருமையாக கூறினார் சுந்தர்.சி. அதோடு, ரம்பா தன்னுடையாக குறைகள் அனைத்தையுமே பிளஸ் ஆக மாற்றிக்கொண்டார் எனவும், தான் பணிபுரிந்த ஹீரோயின்களிலேயே சிறந்த டான்சர் ரம்பா தான் எனவும் கூறினார்.