
விஜய் தேவரைக்கொண்டாவுடன் காதலை உறுதி செய்தாரா ரஷ்மிகா?
செய்தி முன்னோட்டம்
நடிகை ரஷ்மிகாவிற்கும், நடிகர் விஜய் தேவரகொண்டாவிற்கும் காதல் என நீண்ட நாட்களாக கிசுகிசுக்கப்பட்டு வந்தது. 'கீதா கோவிந்தம்' மற்றும் 'டியர் காமரேட்' போன்ற படங்களில் நடித்த போது இருவருக்கும் காதல் மலர்ந்தது எனவும் கூறப்பட்டது.
அதற்கு ஏற்றார் போல, இருவரும் மாலத்தீவுகளுக்கு சுற்றுலா சென்ற புகைப்படங்களும் வைரல் ஆனது.
ஆனால், ரஷ்மிகா ஹிந்தி படவுலகில் கவனம் செலுத்த துவங்கியபோது, இருவருக்கும் பிரேக்-அப் ஆகிவிட்டது என செய்திகள் வந்தன. இருவருக்கும் கருத்துவேறுபாடு காரணமாக பிரிய நேர்ந்தது எனவும், அதனால்தான், ரஷ்மிகா ஹிந்தி படவுலகிற்கு சென்றுவிட்டதாகவும் கூறப்பட்டது.
இதற்கிடையில், 'குஷி' என்ற திரைப்படத்தில், விஜய் தேவரகொண்டா, சமந்தாவுடன் இணைந்து நடிக்கையில், அவருடன் காதலில் விழுந்தார் எனவும் செய்திகள் வெளிவந்தன.
ரஷ்மிகா
மீண்டும் துளிர்த்த காதலா?
இதனிடையே, இரு தினங்களுக்கு முன்னர், ரஷ்மிகாவின் பிறந்தநாளின்போது, அவர் ஒரு வீடியோ பதிவை, தனது சமூகவலைத்தளத்தில் வெளியிட்டார்.
அதில், அவர் கைகளில், பளிச்சென்று ஒரு மோதிரம் இருந்தது.
அந்த வீடியோ பதிவை தொடர்ந்து ஒரு ஊடகம், ட்விட்டரில், "அந்த வீடியோவில் அவர் கையில் அணிந்திருந்த மோதிரம், விஜய் தேவரகொண்டாவின் விருப்பமான மோதிரம். தற்போது எல்லாம் உறுதியாகி விட்டது. இருவரும் ஒரே வீட்டில் தான் தங்கியுள்ளனர். விரைவில் மகிழ்ச்சியான செய்தியை எதிர்பார்க்கலாம்" என புகைப்படத்துடன் பதிவிட்டது.
அதில், ரஷ்மிகாவின் வீடியோவில் இருந்த அறையும், விஜய் தேவரகொண்டாவின் புகைப்படத்தில் இருக்கும் அறையும், ஒரே மாதிரி இருந்தது.
அந்த ட்விட்டர் பதிவு, வைரலானதை அடுத்து, அதற்கு ரஷ்மிகாவும், "ஐயோ! ரொம்ப யோசிக்காதிங்க தம்பி!" என வேடிக்கையாக பதிலளித்துள்ளார்.
ட்விட்டர் அஞ்சல்
விஜய் தேவரகொண்டா-ரஷ்மிகா இடையே காதலா?
#RashmikaMandanna #VijayDeverakonda On Dating It's Clearly Proved... Yes but it was very Seriously 😳 #VijayDevarakonda Favourite Ring 💍 To #Rashmika Figure.. They Both are living in same house same Room.. Surely we can Hear great News 😀 @iamRashmika @TheDeverakonda pic.twitter.com/VotVtLUAr5
— South Digital Media (@SDM_official1) April 6, 2023
ட்விட்டர் அஞ்சல்
ரஷ்மிகாவின் பதில்
Aiyoooo.. don’t over think it babu.. 🤣❤️
— Rashmika Mandanna (@iamRashmika) April 6, 2023