கூலி திரைப்படம் குறித்து வெளியாகும் அந்த வதந்தியை நம்ப வேண்டாம்; ரசிகர்களுக்கு ரஜினிகாந்த் தரப்பில் இருந்து எச்சரிக்கை
செய்தி முன்னோட்டம்
மலேசியாவைச் சேர்ந்த மாலிக் ஸ்ட்ரீம்ஸ் (Malik Streams) என்ற நிறுவனம், நடிகர் ரஜினிகாந்துடன் சந்திப்புக்கு ஏற்பாடு செய்வதாகக் கூறி, "கூலி வாட்ச் & வின் கான்டஸ்ட்" என்ற பெயரில் ஒரு போட்டியை அறிவித்துள்ளது. இது முற்றிலும் அங்கீகரிக்கப்படாத, போலியான போட்டி என ரஜினிகாந்த் தரப்பு தெரிவித்துள்ளது. நடிகர் ரஜினிகாந்தின் மக்கள் தொடர்பாளர் ரியாஸ் அகமது, இந்தப் போட்டிக்கு ரஜினிகாந்திடம் இருந்து எந்த முன் அனுமதியும் பெறப்படவில்லை எனத் தெளிவுபடுத்தியுள்ளார். ரசிகர்கள் இந்த தவறான அறிவிப்பை நம்ப வேண்டாம் என்றும், இந்தச் செய்தியை பரப்பி மற்றவர்களும் ஏமாறாமல் இருக்க உதவுமாறும் அவர் கேட்டுக் கொண்டுள்ளார்.
மாலிக் ஸ்ட்ரீம்ஸ்
மாலிக் ஸ்ட்ரீம்ஸ் வெளியிட்ட பதிவு
மாலிக் ஸ்ட்ரீம்ஸ் தனது இன்ஸ்டாகிராம் பக்கத்தில் இந்தப் போட்டி குறித்து வெளியிட்ட போஸ்டரில், கூலி திரைப்படத்திற்கு டிக்கெட்டுகள் வாங்கி, அதனை ஒரு குறிப்பிட்ட ஹேஷ்டேக் உடன் இன்ஸ்டாகிராமில் பதிவிட்டால் ரஜினிகாந்தை சந்திக்கும் வாய்ப்பு கிடைக்கும் என்று குறிப்பிட்டிருந்தது. போட்டியின் விதிகளின்படி, பங்கேற்பாளர்கள் குறைந்தபட்சம் 50 டிக்கெட்டுகளை வாங்க வேண்டும். ஒரு நாளில், ஒரு காட்சிக்கு, ஒரு திரையரங்கில் வாங்கப்பட்ட டிக்கெட்டுகள் மட்டுமே போட்டிக்கு ஏற்றுக் கொள்ளப்படும். அதிகபட்ச டிக்கெட்டுகளை வாங்கிய முதல் மூன்று பேருக்கு ரஜினிகாந்தை சந்திக்கும் வாய்ப்பு வழங்கப்படும் என அந்த நிறுவனம் கூறியிருந்தது குறிப்பிடத்தக்கது.
ட்விட்டர் அஞ்சல்
ரியாஸ் அகமதுவின் மறுப்பு அறிக்கை
Dear All,
— RIAZ K AHMED (@RIAZtheboss) August 23, 2025
We would like to clarify that the “Meet & Greet Thalaivar” contest that is currently being promoted by Malik Streams in Malaysia is completely unauthorised, fake, and has been announced without obtaining any prior permission from Thalaivar.
We strongly advise fans… pic.twitter.com/DILUCrh34c