துணை நடிகை தற்கொலை வழக்கில் கைது செய்யப்பட்ட 'புஷ்பா' பட நடிகர் ஜெகதீஸ் பிரதாப்
செய்தி முன்னோட்டம்
தெலுங்கு திரையுலகின் துணை நடிகை ஒருவரை தற்கொலைக்கு தூண்டியதாக அவரின் தந்தை அளித்த புகாரின் பேரில், 'புஷ்பா' பட நடிகர் ஜெகதீஸ் பிரதாப் பண்டாரி கைது செய்யப்பட்டுள்ளார்.
கடந்த 2021-ம் ஆண்டு வெளியான திரைப்படம் 'புஷ்பா'. தெலுங்கு இயக்குனர் சுகுமார் இயக்கத்தில், அல்லு அர்ஜுன் நடிப்பில் வெளியான இத்திரைப்படம் இந்தியா முழுவதும் நல்ல வரவேற்பை பெற்றது.
இப்படத்தில் 'புஷ்பா' என்ற முதன்மை கதாபாத்திரத்தில் நடித்ததற்கு, அல்லு அர்ஜுனுக்கு சிறந்த நடிகருக்கான தேசிய விருதும் கிடைத்து.
இந்த திரைப்படத்தில், அல்லு அர்ஜுனின் நண்பனாக, 'கேசவா' என்ற கதாபாத்திரத்தில் நடித்திருந்தவர் ஜெகதீஸ் பிரதாப் பண்டாரி.
இவர் துணை நடிகை ஒருவரை தற்கொலைக்கு தூண்டியதாக, ஐபிசி பிரிவு 174-ன் கீழ் பஞ்சாகுட்டா போலீசாரால் கைது செய்யப்பட்டுள்ளார்.
card 2
துணை நடிகைக்கு மிரட்டல் விடுத்த ஜெகதீஸ்
இது குறித்து இந்து தமிழில் வெளியான செய்திபடி, கடந்த நவம்பர் 29-ம் தேதி துணை நடிகை ஒருவர் தற்கொலை செய்து கொண்டதற்கு தொடர்பாக நடைபெற்ற விசாரணையில் அவரை யாரோ தற்கொலைக்கு தூண்டியிருப்பது தெரிய வந்துள்ளது.
அதன் பின்னர், அப்பெண்ணின் தந்தை கொடுத்த புகாரின் அடிப்படையில் நடிகர் ஜெகதீஸ் பிரதாப் பண்டாரி கைது செய்யப்பட்டுள்ளார்.
தற்கொலை செய்து கொண்ட துணை நடிகை, சிறிய கதாபாத்திரங்களில் நடித்து வந்த போது, ஜெகதீஸுடன் பழக்கம் ஏற்பட்டுள்ளது.
எனினும், சில காலத்திற்கு பிறகு அவர்கள் பிரேக்அப் செய்துகொண்டனர்.
இருப்பினும், ஜெகதீஸ், அந்தப் பெண்ணுக்கு தொடர்ந்து அந்தரங்க புகைப்படங்களை அனுப்பி, அவற்றை இணையத்தில் கசிய விடுவதாக மிரட்டியதாகவும், அதனாலேயே அவர் தற்கொலை செய்துகொண்டதாக தெரிவிக்கப்பட்டுள்ளது.