காதலனை கரம் பிடிக்க ஓகே சொன்ன நடிகை எமி ஜாக்சன்
'மதராசபட்டினம்' படத்தின் மூலம் தமிழ் சினிமாவிற்கு அறிமுகமானவர் எமி ஜாக்சன். பிறப்பால் பிரிட்டிஷ் ஆன எமி, சிறு வயதிலேயே மாடலிங் துறையில் நுழைந்துவிட்டார். அதன்பின்னர் இந்திய சினிமாவில் நடித்து வந்த அவர், 'ஐ' படத்திற்கு பிறகு சினிமாவிலிருந்து ஒதுங்கி இருந்தார். அதற்கு காரணம், அவர் ஜார்ஜ் என்பவரை காதலித்து வந்தார். அவருடன், 2015 ஆம் ஆண்டு முதல் லிவிங் டுகெதரில் வாழ்ந்து வந்த எமி, அவருடன் ஒரு ஆண் குழந்தையும் பெற்றுக்கொண்டார். எனினும் அவர்கள் காதலில் விரிசல் ஏற்படவே, இருவரும் பிரிந்தனர். பின்னர், மீண்டும் 'மிஷன்' படத்தின் மூலம் சினிமாவிற்கு ரீஎன்ட்ரி தந்தவர், எட் வெஸ்ட்விக் என்ற நபரை காதலித்து வந்தார்.
ப்ரொபோஸ் செய்த வெஸ்டவிக், ஓகே சொன்ன எமி
இந்நிலையில், நேற்று எமியும், வெஸ்ட்விக்கும் ஸ்விட்சர்லாந்து மலைக்கு சுற்றுலா சென்றுள்ளனர். அங்கே, எமிக்கு அழகிய பனிப்பாறைகளுக்கு நடுவே ப்ரொபோஸ் செய்தார் வெஸ்ட்விக். இந்த புகைப்படத்தை தனது சோசியல் மீடியா பக்கத்தில் பகிர்ந்துள்ளார் எமி. அதோடு, தான் அந்த ப்ரோபோசலை ஏற்று, அவரை மணமுடிக்க சம்மதித்ததாகவும் அந்த பதிவில் கூறியுள்ளார். எட் வெஸ்ட்விக்கும் ஒரு நடிகர். இந்த ஜோடி சுமார் இரண்டு ஆண்டுகள் காதலித்து லிவ்விங் டுகெதராக வாழ்ந்து வந்தது குறிப்பிடத்தக்கது. நடிகை எமி ஜாக்சன் தமிழில் அடுத்ததாக மிஷன் படத்தின் இரண்டாம் பாகத்தில் நடித்து வருகிறார் என கூறப்படுகிறது
