நடிகர் விஜய் சேதுபதியின் சொத்து மதிப்பு எவ்வளவு தெரியுமா?
செய்தி முன்னோட்டம்
ராஜபாளையத்தில் விஜய குருநாத சேதுபதியாக பிறந்தவர், தற்போது ரசிகர்களால் VJS என்று அன்போடு அழைக்கப்படும் விஜய் சேதுபதி. ஒரு மனிதன், தன்னுடைய இலட்சியத்தை நோக்கி, சின்சியராகவும், விடாமுயற்சியுடனும், நேர்மையாகவும் உழைத்தால், பணமும், புகழும், அவனை தானாக வந்தடையும் என்பதற்கு சிறந்த எடுத்துக்காட்டு விஜய் சேதுபதி தான். நடிப்பின் மீது ஆர்வம் இருந்தாலும், குடும்ப சூழல் காரணமாக, கிடைத்த வேலையை செய்து வந்தார் விஜய் சேதுபதி. சேல்ஸ் மேன், கேஷியர் என சென்னையில் கிடைத்த வேலையை செய்து கொண்டே நடிக்க வாய்ப்பு தேடினார் விஜய் சேதுபதி. அதன்பின்னர் துபாயில் மார்க்கெட்டிங் துறையில் வேலை செய்து வந்தார். ஒரு கட்டத்தில், நடிக்க கற்றுக்கொள்ள வேண்டும் என துணிந்து இந்தியா திரும்பினார், விஜய் சேதுபதி
card 2
பாலிவுட் தேடும் நடிகன்
மாதம் சொற்ப வருமானம் கிடைக்கும் வேலைகள் செய்த VJS, தொடர்ந்து தன் சுயமுயற்சியால், பல படங்களில் கதாநாயகனாக நடிக்க ஆரம்பித்தார். அதன் பின்னர், தன்னை தேடி வரும் நல்ல படங்களை, தானே தயாரிக்கவும் செய்தார். இதற்கிடையே, 'சூப்பர் டீலக்ஸ்' திரைப்படத்திற்கு அவருக்கு தேசிய விருது கிடைத்ததும், இந்தியாவே அவரை திரும்பி பார்த்தது. தொடர்ந்து ஹிந்தி வாய்ப்புகள் அவர் கதவை தட்டவே, 'ஃபர்சி' என்ற வெப் தொடர் மூலம், பாலிவுட் பயணத்தை துவங்கினார். தற்போது, ஜவான் திரைப்படத்தில், ஷாருக்கானுக்கு வில்லனாகவும், அடுத்த படத்தில், கத்ரினா கைஃப்பிற்கு ஜோடியாகவும் நடிக்கும் விஜய் சேதுபதி, 21 கோடி ரூபாய் சம்பளம் பெறுவதாக செய்திகள் தெரிவிக்கின்றன. அதோடு, அவரின் சொத்தின் மதிப்பு, 140 கோடி ரூபாய் என மதிப்பிடப்பட்டுள்ளது.