'கல்கி 2898 கி.பி' படத்தின் பாக்ஸ் ஆபிஸ் வசூலில் கடும் சரிவு
செய்தி முன்னோட்டம்
பிரபாஸ் மற்றும் தீபிகா படுகோன் நடித்த டிஸ்டோபியன் அறிவியல் புனைகதை திரைப்படமான 'கல்கி 2898 கி.பி' வெளியான இரண்டாவது நாளில் பாக்ஸ் ஆபிஸ் வசூலில் குறிப்பிடத்தக்க வீழ்ச்சியைக் கண்டது. முதல் நாளன்று வரலாற்றில் மிக பெரிய அளவில் வசூலை கண்ட மூன்றாவது பெரிய ஓப்பனர் என்ற பெயரை எடுத்த இப்படத்தின் வருவாய் 2 ஆம் நாளில் கிட்டத்தட்ட 43% குறைந்துள்ளது. நாக் அஸ்வின் இயக்கிய இப்படம் இந்தியாவில் நேற்று ரூ.54 கோடியை வசூலித்ததாக Sacnilk தரவுகள் கூறுகின்றன. இந்நிலையில், இப்படம் வெளியாகி இரண்டாவது நாள் வசூலில் 43.3% வீழ்ச்சியை கண்டுள்ளது.
திரையுலகம்
'கல்கி 2898 கிபி'யின் மொத்த உள்நாட்டு வசூல்
சிறிய சரிவு இருந்தபோதிலும், கல்கி 2898 AD இன் மொத்த உள்நாட்டு பாக்ஸ் ஆபிஸ் வசூல் 2ஆம் நாள் முடிவில் ரூ.149 கோடியை எட்டியது. இப்படம் தெலுங்கில் ரூ.25.64 கோடியையும், தமிழில் ரூ.3.5 கோடியையும், இந்தியில் ரூ.22.5 கோடியையும், கன்னடத்தில் ரூ.0.35 கோடியையும், மலையாளத்தில் ரூ.2 கோடியையும் வசூலித்துள்ளது. நேற்று ஒட்டுமொத்தமாக 65.02% ஆக்கிரமிப்பு விகிதத்துடன் தெலுங்கு சினிமா தியேட்டர்களில் இப்படம் தொடர்ந்து ஆதிக்கம் செலுத்தியது. ஹிந்து தொன்மவியல் மற்றும் அறிவியல் புனைகதைகளின் தனித்துவமான கலவையான இப்படத்தின் கதைக்களம் எதிர்காலத்தில் அமைக்கப்பட்டுள்ளது. வைஜெயந்தி மூவிஸ் தயாரித்துள்ள இப்படம், தெலுங்கு, தமிழ், மலையாளம், கன்னடம், இந்தி மற்றும் ஆங்கிலம் ஆகிய ஆறு மொழிகளில் வெளியிடப்பட்டது.