நயன்தாராவின் டயட் பிளான்கள் பற்றி வெளியான புது தகவல்
செய்தி முன்னோட்டம்
கேரளாவில் இருந்து வரும் ஹீரோயின்களுக்கு, தமிழ் ரசிகர்களிடம் எப்போதுமே ஒரு மௌசு உண்டு.
அதிலும், சற்று பூசினாற்போல இருப்பவர்களை, தமிழக மக்களுக்கு மிகவும் பிடிக்கும்.
அப்படி, கேரளாவில் இருந்து, தமிழ் சினிமாவிற்கு வருகை தந்தவர்தான் நயன்தாரா.
தற்போது 'லேடி சூப்பர்ஸ்டார்' எனகொண்டாடப்படுபவர், திரையுலகிற்கு வந்த புதிதில், சற்றே பூசியது போல தான் இருந்தார். ஐயா, சந்திரமுகி போன்ற படங்களில் நடித்து, தனக்கென்று ரசிகர் பட்டாளத்தை உருவாக்கினார். அதன் பிறகு, ஒரு சில படங்கள் அவருக்கு கை கொடுக்கவில்லை. சிறிய இடைவேளை எடுத்துக்கொண்டவர், தனது எடையை குறைத்து, பில்லா படத்தில், அனைவரும் மூக்கின் விரல் வைக்கும் அளவிற்கு இளைத்த உருவத்துடன் தோன்றினார்.
அதன் பின்னர், சந்திரமுகி படத்தில், அடையாளமே தெரியாத அளவிற்கு சிக்கென்று மாறியிருந்தார்.
நயன்தாரா
நயன்தாராவின் எடை குறைப்பின் சீக்ரெட் என்ன?
அவரின் எடை குறைப்பிற்கு பலரும் பல காரணங்கள் கூறினாலும், அது குறித்து நயன்தாரா பேசியதே இல்லை.
தற்போதும், அதே வனப்பும், அழகையும் பராமரிக்கும் நயன்தாராவின், டயட் பிளான் குறித்து செய்திகள் தற்போது வெளியாகி உள்ளது.
அதன்படி, நயன்தாரா எடை குறைக்க முதலில் தேர்வு செய்தது யோகாவை தானாம். தனக்கென்று பிரத்யேக யோகா டீச்சரை தேர்வு செய்துள்ளாராம். அவரின் அறிவுரைப்படி பல ஆண்டுகளாக யோகா செய்து வருகிறாராம்.
தினமும் கண்டிப்பாக 8 மணி நேரம் தூங்குவதை தவறாமல் கடைபிடிக்கிறாராம். தூக்கம் உடலுக்கும், மனதிற்கும் முக்கியம் என்பதை உணர்ந்துள்ளார்.
தினமும் இளநீர் குடிப்பதை வழக்கமாக வைத்துள்ளார் நயன். அதோடு அதிகளவு தண்ணீரும், தர்பூசணி பழங்களையும் எடுத்துக்கொள்கிறாராம்.