இப்போது ரூ.2 லட்சம் இருந்தால் ஷாருக்கான் வீட்டில் நீங்கள் தங்கலாம்!
ஷாருக்கானின் புகழ்பெற்ற மும்பை வீடான மன்னத்-ஐ பார்க்க வேண்டும் என்பது நாடு முழுவதும் உள்ள ஆயிரக்கணக்கான ரசிகர்களின் கனவு ஆசை, லட்சியம் எல்லாம். இருப்பினும், ஷாருக்கிற்கு அந்த வீடு மட்டுமே ஒரே சொத்து இல்லை. அமெரிக்காவின் பிரபலமான ஏரியாவான பெவர்லி ஹில்ஸ்-இல் அவருக்கு சொந்தமான மாளிகை போன்றொரு ஆடம்பர வீடு உள்ளது. அந்த வீட்டில் ஒரு இரவு தங்குவதற்கு ₹2 லட்சம் வாடகை என தெரிவிக்கப்பட்டுள்ளது. இந்த மாளிகையில் ஜக்குஸிகள் மற்றும் தனியார் கபனாக்கள் உட்பட ஆடம்பரமான வசதிகளுடன் ஆறு படுக்கையறைகளும் உள்ளது.
ஷாருக்கானின் பெவர்லி ஹில்ஸ் மாளிகையில் உள்ள ஆடம்பரமான அம்சங்கள்
ஆர்கிடெக்சுரல் டைஜஸ்ட் படி , ஷாருக்கானின் பெவர்லி ஹில்ஸ் சொகுசு பங்களா என்பது பழமையின் ஆச்சரியங்களும் மற்றும் நவீன தலைசிறந்த படைப்புகளின் கலவையாகும். ஓவிய அறையில் பழுப்பு நிற சோபா செட்கள், புகைமூட்டி மற்றும் புத்தக அலமாரி ஆகியவை அழகிய ஓவியத்தால் அலங்கரிக்கப்பட்டுள்ளன. இந்த வில்லா வெள்ளை மற்றும் பழுப்பு வண்ணத் நிறங்களை பின்பற்றுகிறது. கண்ணாடிகள் மற்றும் பிரமாண்டமான சரவிளக்குகளால் வில்லா முழுவதும் அலங்கரிக்கப்பட்டுள்ளது. மேலும் குளியலறைகள் கிளாசிக் மற்றும் சமகால பாணிகளின் சரியான கலவையாக வடிவமைக்கப்பட்டுள்ளன. இந்த வீடு சாண்டா மோனிகா, ரோடியோ டிரைவ் மற்றும் மேற்கு ஹாலிவுட்டில் இருந்து 5 நிமிட தூரத்தில் அமைந்துள்ளது.
பெவர்லி ஹில்ஸ் மாளிகை பற்றி ஷாருக் கூறுவது என்ன?
2017இல், ஷாருக்கான் இந்த வில்லாவில் தங்கியிருந்த அனுபவங்களைப் பகிர்ந்து கொண்டார். வெளியுலகத் தொடர்பைத் துண்டிக்கவும், தனக்காக சிறிது நேரம் செலவிடவும் வீட்டைப் போன்ற இடம் எதுவுமில்லை" என்று அவர் கூறினார். "நகரத்திலிருந்து பல ஆயிரம் மைல்களுக்கு அப்பால் உள்ள வேகமான வாழ்க்கை முறையிலிருந்து விடுபடுவது ஒரு புத்துணர்ச்சியூட்டும் அனுபவமாக உள்ளது." இந்த வீட்டில் நடிகர் தனது குடும்பத்தினருடன் தரமான நேரத்தை செலவிட்டதாகவும், 'ஜப் ஹாரி மெட் செஜல்' படப்பிடிப்பின் போது அங்கேயே தங்கியதாகவும் கூறப்படுகிறது.
