நவம்பர் 3ஆம் தேதி வெளியாகிறது இந்தியன் 2 இன்ட்ரோ வீடியோ
இயக்குநர் ஷங்கர் இயக்கத்தில், கமல்ஹாசன் நடிக்கும் இந்தியன் 2 திரைப்படத்தின் இன்ட்ரோ வீடியோ நவம்பர் 3 ஆம் தேதி வெளியாகும் என படத் தயாரிப்பு நிறுவனமான லைகா அறிவித்துள்ளது. இயக்குனர் ஷங்கர், கமலஹாசன் கூட்டணியில் கடந்த 1996 ஆம் ஆண்டு, லஞ்சம் மற்றும் ஊழலை முதன்மையாக வைத்து உருவான இந்தியன் திரைப்படம் மாபெரும் வெற்றி அடைந்தது. இப்படத்தின் இரண்டாம் பாகம் உருவாக இருக்கிறது. அதில் ரகுல் ப்ரீத் சிங், ப்ரியா பவானி சங்கர், காஜல் அகர்வால், பாபி சிம்ஹா உள்ளிட்டோர் நடிக்கின்றனர். இசையமைப்பாளர் அனிருத் இசையமைக்கிறார். இந்நிலையில் நவம்பர் 7ஆம் தேதி கமலஹாசன் பிறந்தநாளை முன்னிட்டு, நவம்பர் 3 ஆம் தேதியே படத்தின் இன்ட்ரோ வீடியோ வெளியாகும் என அறிவிக்கப்பட்டுள்ளது.
