'குட் பேட் அக்லி' படத்திற்கு அஜித், த்ரிஷா பெற்ற சம்பளம் இதுதானாம்!
செய்தி முன்னோட்டம்
நடிகர் அஜித் மற்றும் த்ரிஷா நடிப்பில், ஆதிக் ரவிச்சந்திரன் இயக்கத்தில் ஏப்ரல் 10 அன்று வெளியான 'குட் பேட் அக்லி' திரைப்படம் வெளியானதிலிருந்து பாக்ஸ் ஆபிஸில் நல்ல வரவேற்பைப் பெற்றுள்ளது. ₹270-300 கோடி பட்ஜெட்டில் தயாரிக்கப்பட்ட இந்தப் படம், இதுவரை ₹63 கோடிக்கு மேல் வசூலித்துள்ளதாக சாக்னில்க் தெரிவித்துள்ளது. இந்த நிலையில் தற்போது, அதன் முன்னணி நடிகர்களின் சம்பளம் வெளியாகியுள்ளது.
சம்பளம்
நடிகர் அஜித்தின் சம்பளம் உங்களை பிரமிக்க வைக்கும்!
இந்தியாவின் அதிக சம்பளம் வாங்கும் நடிகர்களில் ஒருவராக கருதப்படும் நடிகர் அஜித் குமார், குட் பேட் அக்லி படத்தில் நடித்ததற்காக ₹110 கோடி சம்பளம் வாங்கியதாக தி டைம்ஸ் ஆஃப் இந்தியா செய்தி வெளியிட்டுள்ளது. பிப்ரவரி 6 ஆம் தேதி வெளியான அவரது கடைசி படமான 'விடாமுயற்சி' படத்திற்கு அவர் வாங்கிய ₹105 கோடியிலிருந்து இது அதிகரித்துள்ளது. இதற்கிடையில், த்ரிஷா படத்தில் நடித்ததற்காக ₹4 கோடி சம்பளம் வாங்கினார் எனவும் செய்திகள் கூறுகின்றன.
மற்ற நடிகர்கள் சம்பளம்
மற்ற நடிகர்கள் மற்றும் குழு உறுப்பினர்களின் சம்பள விவரங்கள்
குட் பேட் அக்லியின் மற்ற நடிகர்கள் மற்றும் குழுவினரின் சம்பள விவரங்களும் வெளியிடப்பட்டுள்ளன. இந்த படத்தில் முக்கியமான வேடங்களில் நடித்த அர்ஜுன் தாஸ் மற்றும் சுனில், தங்கள் வேடங்களுக்கு தலா ₹50 லட்சம் சம்பளம் வாங்கினார்கள். இயக்குனர் ஆதிக் ரவிச்சந்திரன் இப்படத்திற்காக ₹3 கோடி சம்பளம் பெற்றார், அதே நேரத்தில் இசையமைப்பாளர் ஜி.வி. பிரகாஷுக்கு ₹4 கோடி சம்பளம் வழங்கப்பட்டது.