ரசிகனாக மாறிய நடிகர் விஜய் - புகைப்படம் வெளியிட்ட வெங்கட் பிரபு
நடிகர் விஜய் தற்போது லோகேஷ் கனகராஜ் இயக்கத்தில் 'லியோ'திரைப்படத்தில் நடித்து முடித்துள்ளார். இப்படத்தின் போஸ்ட் ப்ரொடக்க்ஷன் பணிகள் தற்போது மும்முரமாக நடந்து வருகிறது. இந்நிலையில் விஜய் தனது அடுத்த படமான 'தளபதி-68'ஐ வெங்கட் பிரபு இயக்கத்தில், ஏஜிஎஸ் தயாரிப்பில் நடிக்கவுள்ளார் என்று தகவல்கள் வெளியானது. இதனிடையே தற்போது விஜய் அமெரிக்கா சென்றுள்ள நிலையில், அவருடன் இணைந்து தயாரிப்பு நிறுவனத்தினரான அர்ச்சனா கல்பாத்தி மற்றும் வெங்கட் பிரபு ஆகியோரும் உடன் சென்றுள்ளார்கள் என்று தெரிகிறது. அங்கு இப்படத்தின் முதற்கட்ட VFX பணிகள் முதன்மையான நிறுவனமான 'University of Southern California-Institute of Creative Technologies'ல் நடக்கிறது என்றும் கூறப்படுகிறது.
'Equalizer 3' படத்தினை திரையரங்கில் காண சென்ற நடிகர் விஜய்
அதன்படி அந்த நிறுவனத்தில் நடிகர் விஜய்க்கு பாடி ஸ்கேனிங், 3D-மாடலிங் உள்ளிட்ட பணிகள் மேற்கொள்ளப்படவுள்ளது என்று கூறப்படுகிறது. அமெரிக்காவின் லாஸ் ஏஞ்சல்ஸ் நகரில் அமைந்துள்ள இந்நிறுவனம், முன்னதாக ரெடி-பிளேயர், அவதார், ஃபாஸ்ட் அண்ட் பியூரியஸ், போன்ற பிரம்மாண்ட ஹாலிவுட் படங்களில் பணியாற்றியுள்ளது என்பது குறிப்பிடவேண்டியவை. இதனிடையே, நடிகர் விஜய் ஹாலிவுட் நடிகர் டென்சன் வாஷிங்டன் படமான 'Equalizer 3' என்னும் படத்தினை அமெரிக்கா திரையரங்கில் காணச்சென்றுள்ளார். அப்போது திரையில் டென்சன் வாஷிங்டன் தோன்றியவுடன் முழுக்கமுழுக்க ரசிகராக மாறிய விஜய் ஆர்ப்பரித்த தருணத்தினை புகைப்படம் எடுத்து வெங்கட் பிரபு ட்விட்டர் தளத்தில் பதிவிட்டுள்ளார். மேலும் அதில் அவர், "முதன்முறையாக நமது தளபதி ஓர் ரசிகராக மாறிய தருணத்தினை நான் புகைப்படம் எடுத்துள்ளேன்" என்று குறிப்பிட்டுள்ளார்.
