சினிமாத்துறையினரை குழப்பத்தில் ஆழ்த்திய 'ஒளிப்பதிவு திருத்த மசோதா': ஒரு சிறு பார்வை
செய்தி முன்னோட்டம்
நேற்று நடைபெற்ற மத்திய அமைச்சரவை கூட்டத்தில், புதிய ஒளிப்பதிவு திருத்த மசோதாவிற்கான முன்வடிவத்திற்கு ஒப்புதல் அளிக்கப்பட்டதாக அறிவிக்கப்பட்டது. இதனை தொடர்ந்து பலதரப்பட்ட விமர்சனங்கள் சினிமாத்துறையினரிடம் இருந்து வெளிப்படுகிறது. அதற்கு முன்னர், இந்த ஒளிப்பதிவு திருத்த மசோதாவை பற்றி தெரிந்துகொள்வது அவசியம். பல ஆண்டுகளுக்கு முன்னர் இயற்றப்பட்ட தணிக்கை சட்டத்தை திருத்தி, புதிதாக விதிமுறைகளை மாற்றி அமைக்கப்பட்ட 'ஒளிப்பதிவு திருத்த மசோதா', 2021 ஆம் ஆண்டே அறிமுகப்படுத்தப்பட்டு, மக்களிடம் கருத்துகேட்கப்பட்டது. அதற்கு பலரும் எதிர்ப்பு தெரிவித்த நிலையில், அரசு அதை முன்னெடுத்து செல்லாமல் நிறுத்தி வைத்தது. தற்போது அந்த திட்டத்திற்கான முன்வடிவத்திற்கு தான், ஒப்புதல் வழங்கப்பட்டுள்ளது. இந்த புதிய சட்டத்தின் படி, வீடியோ பைரஸியில் ஈடுபடுபவர்களுக்கு கடுமையான தண்டனை வழங்கப்படும்.
card 2
தணிக்கை சான்றிதழ் விதிகளை மாற்றும் புதிய சட்ட மசோதா
இந்த புதிய சட்ட மசோதாவில், தற்போது தரப்படும் U/A சான்றிதழில், மேலும் பல உட்பிரிவுகள் அறிமுகப்படுத்தவுள்ளன. குழந்தைகளின் வயதிற்கு ஏற்றவாறு, அவை பிரிக்கப்பட்டு, UA 7+, UA 13+, மற்றும் UA 16+ என தணிக்கை செய்யப்படும். தணிக்கை சான்றிதழலின், வேலிடிட்டி காலம் 10 ஆண்டுகள் என இருந்ததை நீக்குகிறது புதிய சட்டம். முக்கியமாக, OTT மற்றும் தொலைக்காட்சிகளில் திரைப்படம் வெளியாகும் முன்னர், மற்றொரு சான்றிதழ் பெறவேண்டும். ஓடிடி தளங்களில் வெளியாகும் படங்களுக்கு சென்சார் இல்லை என்ற குறை இதன் மூலம் நீங்கும். தணிக்கை சான்றிதழ் பெற்றபின்னும், படத்தின் காட்சிகள் சர்ச்சையை தூண்டும் வகையில் இருந்தால், மத்திய அரசு தலையிட்டு, சான்றிதழில் மாற்றம் செய்யலாம் எனவும் அதில் கூறப்பட்டுள்ளது.