காதலியை கரம்பிடித்து கவின்; பிக்பாஸ் லாஸ்லியாவின் ரியாக்ஷன்
விஜய் டிவி மூலமாக அறிமுகம் ஆகி, தற்போது வளர்ந்து வரும் கதாநாயகனாக தன்னை நிலை நிறுத்தி கொண்டிருப்பவர் நடிகர் கவின். பல சின்னத்திரை நிகழ்ச்சிகளை தொகுத்து வழங்கி, அதன் பின்னர் சீரியல்களில் கதாநாயகனாக நடித்தார் கவின். அந்த வெற்றியில், ஓரிரு படங்களை நடித்தார். இருப்பினும், அவர் எதிர்பார்த்த வாய்ப்புகள் அதன் பின்னர் கிடைக்காமல் போகவே, விஜய் டிவியில் ஒளிபரப்பான பிக் பாஸ் தமிழ் நிகழ்ச்சியில் கலந்து கொண்டார். அதில் கலந்து கொண்ட சகபோட்டியாளரான லாஸ்லியாவோடு அவர் காதல் வயப்பட்டதாக அப்போது பேசப்பட்டது. இருப்பினும், நிகழ்ச்சி முடிந்த பின், இருவரும் அவரவர் பாதையை நோக்கி பயணப்பட்டனர்.
கவினின் திருமணத்திற்கு லாஸ்லியா கருத்து?
இந்நிலையில், நேற்று, கவின் தனது நீண்டநாள் காதலியான மோனிகா டேவிட் என்பவரை திருமணம் செய்து கொண்டார். திரையுலகை சேர்ந்த பலர் அந்த திருமண விழாவில் கலந்து கொண்டனர். குறிப்பாக, இயக்குனர்கள் விக்னேஷ் சிவன், மாரி செல்வராஜ் மற்றும் நெல்சன் ஆகியோர் கலந்து கொண்டனர். கவின், நெல்சன்-இடம் உதவி இயக்குனராகவும் பணி புரிந்துள்ளார் என்பது குறிப்பிடத்தக்கது. இதனிடையே, கவின் திருமணத்திற்கு, அவரது முன்னாள் காதலியாக கிசுகிசுக்கப்படும் லாஸ்லியா வரவில்லை. ஆனால் அவர் இன்ஸ்டாகிராமில் ஒரு பதிவை இட்டுள்ளார். அதில், "ஆச்சர்யப்படாமல் இருக்க முடியவில்லை" என பொருள்படும்படியான கேப்ஷன் போட்டு, ஒரு புகைப்படத்தையும் பதிவேற்றியிருந்தார். அதை பார்த்த பலரும், இவர் கவின் திருமணத்தை பற்றிதான் சூசகமாக ஏதோ சொல்ல வருகிறார் என கருத்து தெரிவித்து வருகின்றனர்.
