பிக் பாஸ் சம்யுக்தா, கிரிக்கெட் வீரர் அனிருதா ஸ்ரீகாந்துடன் காதலா? இன்ஸ்டா புகைப்படத்தால் கிளம்பிய வதந்தி
செய்தி முன்னோட்டம்
பிக் பாஸ் தமிழ் சீசன் 4 மூலம் பிரபலமான நடிகை மற்றும் மாடல் அழகியான சம்யுக்தா, முன்னாள் கிரிக்கெட் வீரர் அனிருதா ஸ்ரீகாந்தை விரைவில் இரண்டாவது திருமணம் செய்துகொள்ள இருப்பதாக செய்திகள் வெளியாகியுள்ளன. இவர்கள் இருவரும் சமீபத்தில் சம்யுக்தவின் வீட்டில் நடந்த தீபாவளி கொண்டாட்டத்தின் போது நெருக்கமாக எடுக்கப்பட்ட புகைப்படங்களை சம்யுக்தா வெளியிட்டிருந்ததே இந்த வதந்திகளுக்கு காரணமாகி உள்ளது. இருவரும் தீபாவளி பண்டிகையை ஜோடியாக கொண்டாடிய புகைப்படங்களை வெளியிட்டதன் மூலம் தங்கள் காதலை உறுதி செய்துள்ளனர் எனவும் சிலர் கூறுகின்றனர்.
விவாதப்பொருள்
சம்யுக்தாவின் காதல் தற்போது விவாத பொருளாகி உள்ளது
சம்யுக்தா ஏற்கெனவே திருமணமாகி விவாகரத்து பெற்றவர். இவருக்கு ஒரு மகன் உள்ளார். அனிருதா ஸ்ரீகாந்தும் ஆர்த்தி வெங்கடேஷ் என்பவரை திருமணம் செய்து கருத்து வேறுபாடு காரணமாக சில ஆண்டுகளுக்கு முன்னர் விவாகரத்து பெற்றவர். அனிருதாவின் முதல் மனைவி ஆர்த்தி வெங்கடேஷ், சம்யுக்தாவின் நெருங்கிய தோழியாக இருந்தவர் என்ற தகவல் வெளியாகி உள்ளது. இதனால், ஆர்த்தி - அனிருதா பிரிவுக்கு சம்யுக்தா தான் காரணமா என்ற கேள்வியும் சமூக வலைதளங்களில் விவாதமாகியுள்ளது.