ஏ.ஆர்.அமீன், பெரும் விபத்தில் இருந்து உயிர் தப்பியதை அடுத்து, அறிக்கை வெளியிட்ட ஏ.ஆர்.ரஹ்மான்
செய்தி முன்னோட்டம்
பிரபல இசையமைப்பாளர் ஏ.ஆர்.ரஹ்மானின் மகன், ஏ.ஆர்.அமீன், சமீபத்தில் ஒரு பாடல் படப்பிடிப்பில் பங்குபெற்றார். அப்போது நடந்த பெரும் விபத்தில் இருந்து அதிர்ஷ்டவசமாக உயிர் தப்பினார். இது குறித்து, ரஹ்மான், இந்திய செட் மற்றும் அதன் பாதுகாப்பு நடவடிக்கைகள் தரங்களை உலகத்தரத்தில் உயர்த்த வலியுறுத்தி, ஒரு அறிக்கையை வெளியிட்டுள்ளார். "நாம் நமது தொழில்துறையை வளர்க்கும்போது, இந்திய செட் மற்றும் இருப்பிடங்களில் உலகத் தரம் வாய்ந்த பாதுகாப்புத் தரங்களை நோக்கி நகர்த்த வேண்டும்.(இந்த விபத்தை அறிந்து) நாங்கள் அனைவரும் மிகவும் அதிர்ச்சியடைந்துள்ளோம். இன்சூரன்ஸ் நிறுவனம் மற்றும் தயாரிப்பு நிறுவனமான குட்ஃபெல்லாஸ் ஸ்டுடியோஸ், இந்த சம்பவம் குறித்த விசாரணையின் முடிவுகளுக்காக காத்திருக்கிறோம்" என்று அவர் மேலும் குறிப்பிட்டுள்ளார். விபத்தில், அதிர்ஷ்டவசமாக அமீனுக்கும், படக்குழுவினருக்கும் எவ்வித காயமும் ஏற்படவில்லை.