மழையால் பாதிக்கப்பட்ட ஏ.ஆர்.ரஹ்மானின் இசைக்கச்சேரி; மாற்று தேதி அறிவிப்பு
சென்னையில் கடந்த ஆகஸ்ட் 12 -ஆம் தேதி, சினிமாவில் தான் கால்பதித்து 30 ஆண்டுகள் நிறைவானதை ஒட்டி, ஒரு இசைக்கச்சேரிக்கு ஏற்பாடு செய்திருந்தார் இசையமைப்பாளர் ஏ.ஆர்.ரஹ்மான். 'மறக்குமா நெஞ்சம்' என தலைப்பிடப்பட்ட அந்த கச்சேரிக்காக, சென்னை ECR ரோட்டில் ஏற்பாடுகள் நடைபெற்றன. சென்னையில் இந்த நிகழ்ச்சியை துவங்கி, அதன் பின்னர், உலகம் முழுவதும் சுற்றுப்பயணம் மேற்கொள்வதாக திட்டமிட்டிருந்தார் ரஹ்மான். ஆனால், துரதிருஷ்ட வசமாக, ஆகஸ்ட் 12 -ஆம் தேதி, சென்னையில் கடும் மழை பொழிந்ததால், நிகழ்ச்சி ரத்தானது. இதனை தொடர்ந்து, நேற்று, இந்நிகழ்ச்சியின் மாற்று தேதியை ரஹ்மான் அறிவித்தார். அதன்படி, வரும் செப்டம்பர் 10-ஆம் தேதி, ஆதித்யராம் பிளஸ் சிட்டி வளாகத்தில் இந்த இசைநிகழ்ச்சி நடைபெறும் என தெரிவித்திருந்தார்.
