லியோ திரைப்படத்தில் நடிக்கும் நடிகை கிரண்
நடிகை கிரண், இயக்குனர் சரண் இயக்கத்தில், 'சீயான்' விக்ரமுடன், 'ஜெமினி' திரைப்படத்தில் அறிமுகமானார். திரைத்துறைக்கு அறிமுகமான புதிதில், இவருக்கென ரசிகர் கூட்டம் இருந்தது. வரிசையாக பல வெற்றி படங்களில் இவர் நடித்திருந்தார். இவரின் நடிப்பு ஆஹா ஓஹோ என கொண்டாடப்படவில்லை என்றாலும், அவரின் கவர்ச்சிகாகவே பல இளசுகள் இவரின் ரசிகர்களாக இருந்தனர். இந்நிலையில், 'வில்லன்', 'அன்பே சிவம்' போன்ற படங்களுக்கு பிறகு, திடீரென வாய்ப்புகள் இல்லாமல் ஒதுங்கி இருந்தார். இருப்பினும், அவ்வப்போது 'ஆம்பள', 'முத்தின கத்திரிக்காய்' போல ஒன்றிரண்டு படங்களில் சிறு வேடங்களில் நடித்து வந்தார். அதேபோல, சமூக வலைத்தளங்களில் தன்னுடைய படங்களையும் பதிவேற்றி வந்தார் கிரண். இந்த நிலையில், Behindwoods ஊடகத்தின் பேட்டியில் தான் 'லியோ' படத்தில் நடித்திருப்பதாக அவர் தெரிவித்துள்ளார்.
மீண்டும் விஜயுடன் நடிக்கும் கிரண்
கிரண் ஏற்கனவே விஜய் உடன், 'திருமலை' திரைப்படத்தில் ஒரு பாடலுக்கு நடனமாடியிருந்தார். ஆனால் அவருக்கு ஜோடியாக நடித்ததில்லை. இந்நிலையில், லோகேஷ் கனகராஜின், 'லியோ' திரைப்படத்தில், ஒரு கௌரவ வேடத்தில் நடித்துள்ளதாக கிரண் அந்த பேட்டியில் கூறியுள்ளார். எனினும் அது விஜய்க்கு ஜோடியாகவே எனத்தெரியவில்லை. 'லியோ' திரைப்படத்தின் ஷூட்டிங் தற்போது நிறைவடைந்து, போஸ்ட் ப்ரொடக்ஷன் பணிகள் நடைபெற்று வருகிறது. வரும் அக்டோபர் மாதம் இந்த திரைப்படம், திரைக்கு வரவுள்ளது. லியோ படத்தில், த்ரிஷா, அர்ஜுன், சஞ்சய் தத், கவுதம் மேனன், மிஷ்கின், பிரியா ஆனந்த் என பலர் நடித்துள்ளனர். அனிருத் இசையில், லியோ திரைப்படத்திலிருந்து வெளியான 'நா ரெடி' பாடல் ஏற்கனவே ஹிட் ஆனது குறிப்பிடத்தக்கது.
