டாக்ஸிக் பட லேடீஸ் டீசர் வெளியீடு: நயன்தாரா, கியாரா அத்வானி மிரட்டல் லுக்
செய்தி முன்னோட்டம்
கேஜிஎஃப் திரைப்படங்களின் பிரம்மாண்ட வெற்றியைத் தொடர்ந்து, நடிகர் யாஷ் நடிப்பில் பான்-இந்திய அளவில் உருவாகி வரும் 'Toxic: A Fairy Tale for Grown-Ups' திரைப்படத்தின் மீதான எதிர்பார்ப்பு நாளுக்கு நாள் அதிகரித்து வருகிறது. இப்படத்தில் நடிக்கும் பெண் கதாபாத்திரங்கள் யார் யார் என்ற கேள்வி ரசிகர்களிடையே நீண்ட நாட்களாக இருந்து வந்த நிலையில், அதற்கு விடையளிக்கும் வகையில் 'லேடீஸ் அண்ட் லேடீஸ்' என்ற மிரட்டலான புதிய டீசர் இன்று வெளியாகியுள்ளது.
ட்விட்டர் அஞ்சல்
Twitter Post
Ladies & Ladies...
— Yash (@TheNameIsYash) July 1, 2026
Kannada - https://t.co/0vVTdvg4KK
Hindi - https://t.co/QkICVii6RA
Telugu - https://t.co/6bfN8uOP7X
Tamil - https://t.co/uAYq5M5Xui
Malayalam - https://t.co/bT78EJd91t
English - https://t.co/g4Vzq3bawz#Toxic: A Fairy Tale for Grown-Ups In Cinemas Worldwide…
அறிமுகம்
மிரட்டும் பெண் கதாபாத்திரங்களின் அறிமுகம்
கிட்டத்தட்ட 1 நிமிடம் 41 நொடிகள் ஓடக்கூடிய இந்த டீசர், சிறுவர்கள் பார்க்க வேண்டாம் என்ற வினோதமான எச்சரிக்கையுடன் தொடங்குகிறது. இதில் நயன்தாரா சூப்பர்பைக் ஓட்டும் அதிரடி காட்சிகளும், கியாரா அத்வானி சர்க்கஸ் நடனக் கலைஞராகவும் காட்டப்படுகின்றனர். மேலும், தாரா சுதாரியா பாரில் மாஸான தோற்றத்திலும், ருக்மிணி வசந்த் கையில் துப்பாக்கியுடனும், ஹூமா குரேஷி ஒரு தந்திரமான பெண்மணி போலவும் மிரட்டலாக அறிமுகப்படுத்தப்பட்டுள்ளனர். "காதல் பெண்களை அரக்கர்களாக மாற்றுகிறது" என்ற பின்னணிக் குரலுடன் இந்த டீசர் நகர்கிறது. இப்படத்தில் யாஷ் தந்தை மற்றும் மகன் என இரட்டை வேடங்களில் நடிப்பதாகக் கூறப்படுகிறது. ஒளிப்பதிவாளர் ராஜீவ் ரவி மற்றும் இசையமைப்பாளர் ரவி பஸ்ரூர் ஆகியோரின் பங்களிப்பு டீசரை கூடுதல் பலமாக்கியுள்ளது.
ரிலீஸ்
பலமுறை தள்ளிப்போன ரிலீஸ் தேதி
கீது மோகன்தாஸ் இயக்கத்தில், கேவிஎன் புரொடக்ஷன்ஸ் தயாரிப்பில் 1,000 கோடி ரூபாய் பட்ஜெட்டில் பிரம்மாண்டமாக உருவாகும் இத்திரைப்படம் கன்னடம் மற்றும் ஆங்கிலத்தில் நேரடியாக படமாக்கப்பட்டு, தமிழ் உள்ளிட்ட பிற மொழிகளில் டப் செய்யப்படுகிறது. மேற்கு ஆசியப் பிராந்தியத்தில் நிலவிய புவிசார் அரசியல் பதற்றங்கள் மற்றும் சர்வதேச விநியோகச் சிக்கல்கள் காரணமாக இப்படத்தின் ரிலீஸ் தேதி ஏற்கனவே பலமுறை தள்ளிப்போனது. இந்நிலையில், ஓணம் பண்டிகையை முன்னிட்டு வரும் ஆகஸ்ட் 26ஆம் தேதி இப்படம் உலகம் முழுவதும் வெளியாகும் எனப் படக்குழு அதிகாரப்பூர்வமாக அறிவித்துள்ளது.