சர்ச்சை ஏற்பட்டதை அடுத்து 'லியோ' படப்பாடலில் அதிரடி மாற்றம்
செய்தி முன்னோட்டம்
சமீபத்தில் நடிகர் விஜய்யின் பிறந்தநாளை முன்னிட்டு, அவர் நடித்துவரும் 'லியோ' படத்தின் ஃபர்ஸ்ட் சிங்கிள் வெளியானது.
'நா ரெடி' என தொடங்கிய அந்த பாடல், விஜய்யின் ரசிகர்களால் பெரிதும் வரவேற்கப்பட்ட நிலையில், இந்த பாடலில் இடம்பெற்ற வரிகளால் சர்ச்சை எழுந்தது.
'நா ரெடி தான்'பாடல் மூலமாக, போதைப்பொருள் பழக்கத்தை ஆதரிக்கும் வகையிலும், ரவுடிசத்தை ஊக்குவிக்கும் வகையிலும், இளைஞர் சமூகத்தை கெடுப்பதாக, சென்னை காவல் ஆணையர் அலுவலத்தில், செல்வம் என்ற சமூக ஆர்வலர் ஒருவர் புகார் அளித்தார்.
அதுமட்டுமில்லாமல், தனது ரசிகர்கள் பலரை இதனால் தவறான பாதையில் கொண்டு செல்வதாகவும் நடிகர் விஜய் மீது போதைப்பொருள் தடுப்பு சட்ட பிரிவின் கீழ் நடவடிக்கை எடுக்க வேண்டுமெனவும் அந்த மனுவில் கோரிக்கை விடுத்திருந்தார் செல்வம்.
card 2
லிரிக்கல் வீடியோவில் மாற்றம்
இவர் மட்டுமின்றி, மேலும் சிலர் பாடலின் வரிகளும், காட்சிகளும் சமூகத்தை சீர்குலைக்கும் வகையில் அமைந்துள்ளது என கருத்து தெரிவித்ததை அடுத்து, நடிகர் விஜய்க்கு நோட்டீஸ் அனுப்பட்டதாக கூறப்படுகிறது.
இந்நிலையில், நேற்று முதல், இந்த பாடலின் லிரிக்கல் வீடியோவில், "புகை பிடித்தல் புற்று நோய் உண்டாக்கும், உயிரை கொல்லும்" என்ற எச்சரிக்கை வாசகம் இணைக்கப்பட்டது.
இதன் மூலம் சர்ச்சைகளுக்கு முற்றுப்புள்ளி வைக்கப்பட்டுள்ளதாக விஜய் ரசிகர்கள் கூறி வருகின்றனர்.
மேலும், இந்த சர்ச்சையே நடிகர் விஜயின் பெயரை களங்கப்படுத்த எடுக்கப்பட்ட முயற்சி என்றும், இதற்கு முன்னர் வெளியான பல படங்களில் முன்னணி நடிகர்கள் இதே போல காட்சிகளில் நடித்தபோதெல்லாம் இந்த சமூக அரவலர்கள் எங்கே போனார்கள் எனவும் விஜய் ரசிகர்கள் கொந்தளித்து வருகின்றனர்.