நடிகர் சஞ்சய் தத்'ன் பிறந்தநாள் பரிசு - லியோ படக்குழு வெளியிட்ட புது அப்டேட்
லோகேஷ் கனகராஜ் இயக்கத்தில் நடிகர் விஜய் நடித்து வரும் படம் 'லியோ'. இப்படத்தில் விஜய்க்கு ஜோடியாக நடிகை த்ரிஷா நடிக்கிறார், அனிருத் ரவிச்சந்தர் இசையமைக்கிறார். செவன் ஸ்க்ரீன் ஸ்டுடியோஸ் தயாரிக்கும் இப்படத்தில் அர்ஜுன், சஞ்சய் தத், பிரியா ஆனந்த், மன்சூர் அலிகான், மிஷ்கின், கவுதம் வாசுதேவ் மேனன், சாண்டி, மேத்யூ தாமஸ் உள்ளிட்ட முக்கியமானோர் நடித்துள்ளனர். இப்படத்தின் படப்பிடிப்பு நிறைவடைந்து, தற்போது போஸ்ட் ப்ரொடக்க்ஷன் பணிகள் நடந்து வருகிறது என்று கூறப்படுகிறது. இந்நிலையில் நடிகர் சஞ்சய் தத் இன்று(ஜூலை.,29)தனது பிறந்தநாளை கொண்டாடி வருகிறார். அதன்படி பிறந்தநாள் பரிசாக இப்படத்தில் அவரின் கதாபாத்திரமான 'ஆண்டனி தாஸ்-ன்' க்ளிம்ப்ஸ் வீடியோ பதிவினை அப்படக்குழு இணையத்தில் வெளியிட்டுள்ளது என்பது குறிப்பிடவேண்டியவை ஆகும்.
