நடிகர் ரிச்சர்ட் ரிஷிக்கு, 'பிக் பாஸ்' யாஷிகாவுடன் காதலா?
நடிகர் அஜித்தின் மைத்துனரும், நடிகை ஷாலினி மற்றும் நடிகை ஷாமிலியின் அண்ணனுமான ரிச்சர்ட் ரிஷி, ஆரம்பத்தில் ஒரு சில படங்களை நடித்திருந்தாலும், அவரை பரவலாக அறிய செய்த திரைப்படம், இயக்குனர் மோகன்.ஜி இயக்கிய திரௌபதி திரைப்படம் தான். 45 வயதை கடந்த நடிகர் ரிச்சர்ட்டுக்கு இன்னும் திருமணம் ஆகவில்லை. ஆரம்ப காலத்தில் ஒரு லவ் பிரேக்-அப் ஏற்பட்டதாகவும், அதன் பிறகு அவர் திருமணம் செய்ய இஷ்டமில்லாமல் இருப்பதாகவும் செய்திகள் வெளியாகின. இந்நிலையில், ரிச்சர்டின் இன்ஸ்டாகிராம் பக்கத்தில், நடிகை யாஷிகாவுடன் நெருக்கமாக இருக்கும் புகைப்படம் ஒன்றை பதிவிட்டிருந்தார். ஏதோ ஒரு இரவு நேர பார்ட்டியில் எடுத்தது போல இருக்கும் அந்த புகைப்படத்தை பார்த்ததும், யாஷிகாவின் ரசிகர்கள் அதிர்ச்சி அடைந்துள்ளனர்.