சதி செய்கிறார்களா? கல்யாண் ஜூவல்லர்ஸ் பங்குகளை சுற்றி நடக்கும் மர்மம்; செபியிடம் முறையிட்ட நிறுவனம்
செய்தி முன்னோட்டம்
இந்தியாவின் முன்னணி நகை விற்பனை நிறுவனமான கல்யாண் ஜூவல்லர்ஸ், தனது நிறுவனப் பங்குகள் திட்டமிட்டு வீழ்த்தப்படுவதாக இந்தியப் பங்கு மற்றும் பரிவர்த்தனை வாரியத்திடம் (செபி) புகார் அளித்துள்ளது. 2024 டிசம்பர் முதல் 2025 ஜனவரி வரையிலான காலகட்டத்தில், தங்களது நிறுவனப் பங்குகளில் வழக்கத்திற்கு மாறான வர்த்தக முறைகள் மற்றும் தவறான வதந்திகள் பரப்பப்பட்டதாக நிறுவனம் குற்றம் சாட்டியுள்ளது. இது தொடர்பாக முறையான விசாரணை முடியும் வரை, தங்களது பங்குகளை ஃபியூச்சர்ஸ் மற்றும் ஆப்ஷன்ஸ் (F&O) பிரிவில் இருந்து தற்காலிகமாக நீக்க வேண்டும் என்றும் கோரிக்கை விடுத்துள்ளது.
சரிவு
பங்குகளில் ஏற்பட்ட பெரும் சரிவு
நிறுவனம் சமர்ப்பித்த ஆவணங்களின்படி, 2025 ஜனவரி 6 ஆம் தேதி ₹745 ஆக இருந்த ஒரு பங்கின் விலை, வெறும் 24 நாட்களில் (ஜனவரி 30 க்குள்) ₹440.65 ஆகக் குறைந்தது. இது சுமார் 41% சரிவாகும். இதனால் நிறுவனத்தின் சந்தை மதிப்பு சுமார் ₹76,795 கோடியிலிருந்து ₹45,450 கோடியாகச் சரிந்தது. நிறுவனத்தின் வருவாய் சீராக இருந்தபோதிலும், இந்த வீழ்ச்சி ஏற்பட்டது சந்தேகத்தை ஏற்படுத்தியுள்ளது.
வதந்திகள்
பரப்பப்பட்ட வதந்திகள் மற்றும் முறைகேடுகள்
இந்தச் சரிவுக்குப் பின்னால் ஒரு திட்டமிட்ட சதி இருப்பதாக கல்யான் ஜூவல்லர்ஸ் தெரிவித்துள்ளது: வதந்திகள்: நிறுவனத்தின் புரோமோட்டர்கள் கைது செய்யப்பட்டதாகவும், நிதி மேலாளர்களுக்கு லஞ்சம் கொடுத்ததாகவும் சமூக வலைதளங்களில் தவறான தகவல்கள் பரப்பப்பட்டன. ஷார்ட் பொசிஷன்: வதந்திகளைப் பரப்புவதற்கு முன்பே, சில நபர்கள் திட்டமிட்டு பங்குகளை அதிக அளவில் விற்பனை செய்யும் ஷார்ட் பொசிஷன் எடுத்திருந்ததாக நிறுவனம் கூறுகிறது. பதிவு செய்யப்படாத ஆலோசகர்கள்: செபியில் பதிவு செய்யப்படாத சில நபர்கள் சமூக வலைதளங்கள் மூலம் முதலீட்டாளர்களிடையே பீதியை ஏற்படுத்தியதாகவும் நிறுவனம் ஆதாரங்களைச் சமர்ப்பித்துள்ளது.
நிதி நிலைமை
தற்போதைய நிதி நிலைமை
சந்தையில் நிலவும் இந்த இக்கட்டான சூழலுக்கு இடையிலும், கல்யான் ஜூவல்லர்ஸ் தனது 2025-26 நிதியாண்டின் மூன்றாம் காலாண்டு முடிவுகளைப் பிப்ரவரி 2026 இல் வெளியிட்டது: நிகர லாபம்: கடந்த ஆண்டுடன் ஒப்பிடும்போது 90% உயர்ந்து ₹416 கோடியாக உள்ளது. வருவாய்: 42% உயர்ந்து ₹10,343 கோடியாகப் பதிவாகியுள்ளது. இந்த வலுவான முடிவுகளுக்குப் பிறகு, பிப்ரவரி 9, 2026 அன்று பங்கின் விலை 10% உயர்ந்து அப்பர் சர்க்யூட் தொட்டது. இருப்பினும், எதிர்கால பாதிப்புகளைத் தவிர்க்க செபியின் தலையீட்டை நிறுவனம் தொடர்ந்து வலியுறுத்தி வருகிறது.