தொடர்ந்து இரண்டாவது வாரமாக சரிவு; இந்தியாவின் அந்நியச் செலாவணி கையிருப்பில் வீழ்ச்சி
செய்தி முன்னோட்டம்
இந்தியாவின் அந்நியச் செலாவணி கையிருப்பு அக்டோபர் 11ஆம் தேதியுடன் முடிவடைந்த வாரத்தில் 10.746 பில்லியன் டாலர் குறைந்து 690.43 பில்லியன் டாலராக உள்ளது என்று ரிசர்வ் வங்கி வெள்ளிக்கிழமை (அக்டோபர் 18) தெரிவித்தது.
முந்தைய அறிக்கை வாரத்தில், கையிருப்பு 3.709 பில்லியன் டாலர் குறைந்து 701.176 பில்லியன் டாலராக இருந்தது.
செப்டம்பர் இறுதியில், கையிருப்பு இதுவரை இல்லாத வகையில் 704.885 பில்லியன் அமெரிக்க டாலர்கள் எனும் புதிய உச்சத்தை எட்டி இருந்தது குறிப்பிடத்தக்கது.
அக்டோபர் 11 ஆம் தேதியுடன் முடிவடைந்த வாரத்தில், கையிருப்பின் முக்கிய அங்கமான வெளிநாட்டு நாணயச் சொத்துக்கள் 10.542 பில்லியன் அமெரிக்க டாலர்கள் குறைந்து 602.101 பில்லியன் டாலர்களாக உள்ளது என்று வெள்ளிக்கிழமை வெளியிடப்பட்ட தரவு காட்டுகிறது.
தேய்மானம்
வெளிநாட்டு நாணய சொத்துக்களின் மதிப்பு குறைவால் ஏற்பட்ட தாக்கம்
டாலர் அடிப்படையில் வெளிப்படுத்தப்படும், அந்நியச் செலாவணி கையிருப்பில் உள்ள யூரோ, பவுண்ட் மற்றும் யென் போன்ற அமெரிக்க அல்லாத யூனிட்களின் மதிப்பு அல்லது தேய்மானத்தின் விளைவு காரணமாக வெளிநாட்டு நாணய சொத்துக்களின் கையிருப்பு மதிப்பு குறைந்துள்ளதாகத் தெரிகிறது.
வாரத்தில் தங்கம் கையிருப்பு 726 மில்லியன் டாலர் அதிகரித்து 63.613 பில்லியன் டாலராக உள்ளது என ரிசர்வ் வங்கி தெரிவித்துள்ளது. சிறப்பு வரைதல் உரிமைகள் (SDRs) 121 மில்லியன் டாலர்கள் அதிகரித்து 18.54 பில்லியன் டாலர்களாக உள்ளது என்று ரிசர்வ் வங்கி தெரிவித்துள்ளது.
சர்வதேச நாணய நிதியம் உடனான இந்தியாவின் இருப்பு நிலை அறிக்கை வாரத்தில் 66 மில்லியன் அமெரிக்க டாலர்கள் குறைந்து 4.458 பில்லியன் டாலராக உள்ளது என்று ஆர்பிஐ அறிக்கையில் கூறப்பட்டுள்ளது.