அமெரிக்காவுக்கான ஐபோன் ஏற்றுமதில் சீனாவை விஞ்சியது இந்தியா; ஏப்ரல் மாத ஏற்றுமதி 76% அதிகரிப்பு
செய்தி முன்னோட்டம்
சந்தை ஆராய்ச்சி நிறுவனமான ஓம்டியாவின் சமீபத்திய அறிக்கையின்படி, அமெரிக்காவிற்கு ஐபோன் ஏற்றுமதியில் இந்தியா அதிகாரப்பூர்வமாக சீனாவை முந்தியுள்ளது.
இது ஆப்பிளின் உலகளாவிய விநியோகச் சங்கிலியில் ஒரு முக்கிய மாற்றத்தைக் குறிக்கிறது.
ஏப்ரல் மாதத்தில் இந்தியாவிலிருந்து அமெரிக்காவிற்கு ஐபோன் ஏற்றுமதியில் கடந்த ஆண்டின் இதே காலகட்டத்துடன் ஒப்பிடும்போது 76% அதிகரித்து, மொத்தம் சுமார் மூன்று மில்லியன் யூனிட்கள் என்று தரவு வெளிப்படுத்தியுள்ளது.
இதற்கு நேர்மாறாக, சீன ஏற்றுமதிகள் வெறும் 900,000 யூனிட்டுகளாகக் கடுமையாகக் குறைந்துள்ளன. இது 76% சரிவாகும்.
சீனாவிற்கு வெளியே தனது உற்பத்தி கட்டமைப்பை பன்முகப்படுத்த ஆப்பிள் தொடர்ந்து முயற்சித்து வரும் நிலையில் இந்த மாற்றம் ஏற்பட்டுள்ளது.
கொரோனா
கொரோனாவிற்கு பிறகு நடந்த மாற்றம்
கொரோனா தொற்றுநோய் மற்றும் அதைத் தொடர்ந்து உலகளாவிய விநியோகச் சங்கிலி சீர்குலைவுகளால் சிக்கலை எதிர்கொண்ட ஆப்பிள், அதன் பரந்த ஆபத்து-தணிப்பு உத்தியின் ஒரு பகுதியாக இந்தியாவில் உற்பத்தியை சீராக அதிகரித்து வருகிறது.
அதிகரித்து வரும் அமெரிக்க-சீனா வர்த்தக பதற்றங்கள் மற்றும் அதிக இறக்குமதி வரிகள் மற்றும், சீனாவில் தயாரிக்கப்பட்ட ஐபோன்கள் மீதான 30% வரி போன்றவை இந்த மாற்றத்தை மேலும் துரிதப்படுத்தியுள்ளன.
முன்னேற்றம் இருந்தபோதிலும், இந்தியாவின் தற்போதைய உற்பத்தி திறன் அமெரிக்க தேவையை பூர்த்தி செய்ய வாய்ப்பில்லை அறிக்கையில் கூறப்பட்டுள்ளது.
அமெரிக்காவின் தேவை ஒரு காலாண்டில் சுமார் 20 மில்லியன் ஐபோன்கள் எனும் நிலையில், 2026 க்கு முன்பு இந்தியா இந்த அளவை எட்ட முடியாமல் போகலாம் என்று அறிக்கை மதிப்பிட்டுள்ளது.